ۇشاقپەن ۇشۋدان قورىقپاۋ ءۇشىن پايدالى كەڭەستەر

استانا. قازاقپارات - ۇشاقپەن ۇشقاندا ەشتەڭەگە الاڭداماي، قالاي ءوزىن جاقسى سەزىنۋگە بولادى؟ ۇشاقپەن ۇشۋدان قورقۋدى قالاي جەڭۋگە بولادى؟

جاز -  دەمالىس ۋاقىتى. كوبىمىز ساياحاتقا «تەمىر قۇستىڭ» بورتىندا اتتانامىز.

ۇشقان كەزدە ءسىزدى قانداي ماسەلەلەر كۇتۋى مۇمكىن؟ قالاي ولاردىڭ الدىن الۋعا بولادى؟

بارشامىزعا ءمالىم بولعانداي، ستاتيستيكا بويىنشا اۆتوكولىك اۋەكولىگىنەن قاۋىپتىرەك. ءبىراق، ءبىز اۆتوكولىككە الاڭسىز وتىرامىز، ال ۇشاققا وتىرعاندا قوبالجي باستايمىز. كەيبىر ادامدار ۇشاققا مۇلدەم وتىرمايدى.

سوندىقتان دا ۇشاقپەن ۇشۋدان قورىقپاۋ ءۇشىن، سىزدەرگە بىرنەشە كەڭەستى ۇسىنامىز...

اقپارات جيناڭىز.

«جاڭبىر ادامى» ءفيلمىنىڭ قاھارمانى بارلىق اۋە كومپانيالاردىڭ ۇشاقتارىمەن ۇشۋدان باس تارتىپ، تەك قانا اۋستراليالىق «Qantas» اۋەكومپانياسىنىڭ ۇشاقتارىمەن ۇشۋدى ءجون كوردى. باسقا كومپانيالاردان باس تارتۋىن بىلاي تۇسىندىرگەن: «بۇل، بورتىندا ەشقاشان توتەنشە جاعداي ورىن الماعان الەمدەگى جالعىز اۋەتاسىمالداۋشى». ۇشاققا بيلەت الاردىڭ الدىندا، كومپانيانىڭ بەدەلىمەن تانىسىڭىز، ينتەرنەتتە جولاۋشىلاردىڭ كوممەنتاريلەرىن وقىپ شىعىڭىز. ءسىز ءۇشىن ەڭ لايىقتىسىن تاڭداساڭىز، ۇشاقتا الاڭسىز وتىرا الاسىز.

كوڭىل كوتەرۋ ءۇشىن «Duty Free»-گە بارىڭىز.

كەيبىر ادامدار ءۇشىن كۇيزەلىستەن شىعۋدىڭ ءبىر جولى ول -  شوپينگ. ساپارعا تىركەۋدەن، پاسپورتتىق باقىلاۋدان وتكەن سوڭ دۇكەندەردى ارالاپ، وزىڭىزگە سىيلىقتار ساتىپ الىپ، كوڭىل-كۇيىڭىزدى كوتەرىڭىز.

جولعا ساعىز الۋدى ۇمىتپاڭىز.

عالىمداردىڭ ايتۋى بويىنشا ساعىس شايناۋ جانە كامپيت سورۋ ادامدى كۇيزەلىستەن شىعاراتىن جول. ويتكەنى، ساعىس شايناۋ مەن كامپيت سورۋ بىزگە بالالىق شاقتى ەسكە تۇسىرەدى. كۇيزەلگەن كەزدە ءبىز كەيبىر كەزدەرى بالالىق شاققا ورالۋدى قالايمىز، ويتكەنى ول كەزدە ءبىز ەشتەڭەنى ۋايىمداماي ويناپ-كۇلىپ جۇرەتىنبىز.

كۇلىمسىرەۋ.

ۇرەيىڭىز قاشىپ جاتسا - كۇلىمسىرەڭىز. ءبىز كۇلگەندە نەمەسە كۇلىمسىرەگەندە، بەتتەگى كەيبىر بۇلشىق ەتتەردى قاتايتامىز. ەگەر دە ءسىزدىڭ كۇلگىڭىز كەلمەسە دە، ال ءسىز بەتىنىزگە كۇلىمسىرەگەن ادامنىڭ ماسكاسىن «كيسەڭىز» - ءسىزدىڭ بەتىڭىزدەگى بۇلشىق ەتتەر قۋانىشتى ەسكە ءتۇسىرىپ ميعا سيگنال بەرەدى. كۇلىمسەرەگەن كۇيدە 15 مينۋتتاي وتىرا تۇرىڭىز - كۇيزەلىستەن شىعاسىز.

دەم الامىز.

مۇرنىڭىز ارقىلى دەم الىڭىز، اۋزىڭىز ارقىلى اۋانى شىعارىڭىز. اۋانى شىعارۋ جۇتۋدان ۇزاعىراق بولعانى ءجون. ءبىراز ۋاقىت وسىلاي دەم الا تۇرىڭىز، بىرنەشە ساتتەن كەيىن اعزاڭىزدا رەاكساتسيا باستالادى: جۇرەك سوعۋ ىرعاعى باسەڭدەيدى، بۇلشىق ەتتەرىڭىز بوساڭسىيدى. ال ەندى، كوزىڭىزدى جۇمىپ، ءسىز دەم العاندا كۇيزەلىستەن، قورقۋدان ارىلاسىز دەپ ەلەستەتىڭىز.

ءسىز جالعىز ەمەسسىز.

ەگەر ءسىز دىنگە سەنسەڭىز، قۇدايدان اماندىقتى تىلەڭىز. ءسىز قۇدايدىڭ قامقورلىعىندا ەكەندىڭىزگە سەنىڭىز، دەمەك، سىزدە بارلىعى جاقسى بولادى.

el.kz