ەلباسى ءبىلىم مينيسترىنە جۇمىسقا ورنالاسقان ستۋدەنتتەردى ساناپ شىعۋدى تاپسىردى
"ءبىلىم ءمينيسترى مەن اكىمدەرگە بيىل بارلىق تۇلەكتەردىڭ ءوزىڭ جەكە ساناپ شىعۋدى تاپسىرامىن. كەلەسى جىلى قاڭتار ايىندا قازاقستاندا ءجۇز مىڭ تۇلەك بار، ولاردىڭ وسىنشاسى جۇمىسقا بارادى دەپ حابارلاپ تۇراسىڭ. ءتۇسىندىڭ بە؟ مىنە وسى جۇمىس. ال قول قۋسىرىپ وتىرۋدى ءبارى بىلەدى" - دەدى ن. نازاربايەۆ اسلان سارىنجىپوۆكە.
"شىمكەنت ۋنيۆەرسيتەتىندە 2013 - جىلى 740 تۇلەك بار، ونىڭ 250 ى جۇمىسقا ورنالاستى. ول بارلىق تۇلەكتەردىڭ % 34 ىن قۇرايدى. قالعان بولىگى ءالى جۇمىس تاپقان جوق. اقتوبە ۋنيۆەرسيتەتىندە جۇمىسقا ورنالاستىرۋ % 30 دان از" - دەپ ءوز ءسوزىن ناقتىلادى ەلباسى.
"(...) مەملەكەت ءبىلىم بەرۋگە قوماقتى قاراجات بولەدى، گرانتتار بەرەدى. جالپى العاندا، جامان ەمەس، % 80 تۇلەكتەر جۇمىسقا ورنالاسادى. ال، اۋىل كۆوتاسى بويىنشا تەك % 40 عانا جۇمىسقا تۇرادى. جەكەمەنشىك ۋنيۆەرسيتەتتەردىڭ ءبىلىم بەرۋ ساپاسىنىڭ تومەندىگىنەن تۇلەكتەر جۇمىسقا ورنالاسا المايدى. بۇل تاعى دا ۋنيۆەرسيتەت ماسەلەسى" - دەدى نۇرسۇلتان ءابىش ۇلى.
پرەزيدەنتتىڭ ايتۋى بويىنشا، بۇگىنگى تاڭدا كادرلار دايارلاۋدىڭ قۇرىلىمى مەن ساپاسى سىن كوتەرمەي تۇر. وسىعان بايلانىستى ءبىلىم جانە عىلىم ءمينيسترى مەن جەرگىلىكتى ەلدى مەكەندەردىڭ اكىمدەرى وسى ولقىلىقتىڭ ورنىن تولتىرۋعا بارىنشا كۇش جۇمساۋى كەرەك.
"بىزدە قازىر ءبىلىم بەرۋ ماسەلەسى بويىنشا زاڭ جوباسى دايىندالىپ جاتىر. ول جوبادا ءبىلىم بەرۋدىڭ قوس فورماسى، ياعني، كوللەدج ستۋدەنتتەرىنىڭ مىندەتتى وندىرىستىك تاجىريبەدەن ءوتۋى نازاردان تىس قالعان جوق. بارلىق ءىرى جانە شاعىن بيزنەس، جەرگىلىكتى اكىمدەر وسى ماسەلە بويىنشا جۇمىس جاساۋى كەرەك. الەم بويىنشا ۇلكەن تاجىريبە بار. مىسالى، ءوز باسىم گەرمانيانىڭ وسىنداي تاجىريبەسىمەن جەتە تانىستىم. بارلىق مەكەمەلەر ادامداردى قابىلداپ، تاجىريبەدەن وتكىزىپ، ۇيرەتۋگە مىندەتتى. ءبىراق ول ادامنىڭ سول مەكەمەدە جۇمىس ىستەۋگە قالۋى مىندەتتى ەمەس. ول قازاقستاننىڭ باسقا وڭىرىنە بارىپ ءوز ۇيرەنگەنىن قاجەتكە جاراتادى" - دەدى ەلباسى.
ەسكە سالايىق، بۇگىن، 6 - تامىز كۇنى نۇرسۇلتان نازاربايەۆ ۇكىمەتتىڭ كەڭەيتىلگەن وتىرىسىن وتكىزگەن بولاتىن. وندا مەملەكەت باسشىسى ۇكىمەتتىڭ قايتا قۇرىلاتىنىن مالىمدەدى. ءسويتىپ، 17 مينيسترلىك، توعىز اگەنتتىك، 54 كوميتەت پەن 272 دەپارتامەنتتىڭ ورنىنا 12 مينيسترلىك پەن 30 عا جۋىق كوميتەت قۇرىلدى.
«الاش ايناسى»
