كاسىپكەرلەر ءوزىن- ءوزى قاداعالاۋ مۇمكىندىگىنە يە بولادى
«ءبىزدىڭ ماقساتىمىز، ەلباسىنىڭ تاپسىرماسى بار، ءوزىن- ءوزى باسقاراتىن مەكەمەلەر مەن قاۋىمداستىقتار تۋرالى زاڭ جاساقتاۋ. ونىڭ ءماتىنى ۇكىمەتتىڭ قاراۋىندا. كۇز ايىندا ول ق ر پارلامەنتىنىڭ ماجىلىسىنە كىرەدى. ءبىز وعان اتسالىسۋدامىز» ، - دەپ اتاپ ءوتتى ول.
ونىڭ سوزىنە قاراعاندا، بۇل زاڭ كاسىپكەرلەرگە تەكسەرۋشى ورگاندار مەن موراتوريلاردىڭ ماسەلەسىن شەشۋدىڭ وڭتايلى جولى بولۋى ىقتيمال.
«مىسالى، رەستوراندار مەن ءدامحانالاردىڭ قاۋىمداستىقتارى قۇرىلىپ، ءوزىن- ءوزى باسقارۋ قاعيداسى بەرىلەدى. ولار وزدەرىنىڭ سەرتيفيكاتىن، ستاندارتتارىن شىعارادى، ءوز- وزدەرىنە قاداعالاۋ جۇرگىزەدى. ەگەر زاڭ بۇزعان ارىپتەستەرى بولسا، وعان وزدەرى سەرتيفيكاتىن نەمەسە ليتسەنزياسىن تارتىپ الۋ ارقىلى جاۋاپكەرشىلىك بەرىپ جاتادى. سوندىقتان ءوزىن- ءوزى باسقارۋ، قاداعالاۋ ارقىلى جۇمىس جۇرگىزەدى، وعان ءتيىستى زاڭ دايىندالادى» ، - دەپ ءتۇيدى ءسوزىن ا. مىرزاحمەتوۆ.
اۆتور: جاسۇلان جولدىبايەۆ
