سولتۇستىك كورەيادا اشارشىلىق ورناۋى مۇمكىن

استانا. قازاقپارات - بۇكىل الەمدە كۇرىش باعاسىنىڭ قىمباتتاۋىنا بايلانىستى سولتۇستىك كورەيادا ازىق-تۇلىكتىڭ تاپشىلىعى ورىن الۋى مۇمكىن.

ويتكەنى، اتالعان ەل تۇرعىندارىنىڭ نەگىزگى تاماعى كۇرىشتەن جاسالادى.

وڭتۇستىك كورەياداعى Good Friends دەپ اتالاتىن بۋددالىق ۇيىمنىڭ مالىمدەۋىنشە، ك ح د ر- دىڭ شالعاي اۋىلدارىنداعى تۇرعىندار ازىق-تۇلىكتىڭ تاپشىلىعىنان اعاشتىڭ قابىعى مەن ءشوپتىڭ تامىرىن جەي باستاعان.

ساراپشىلاردىڭ ايتۋىنشا، قازىر سولتۇستىك كورەيادا ساۋدا داعدارىسى ورىن العان. ەلدەگى 23 ميلليون حالىقتى بىتىك شىققان ەگىستىكتىڭ ءوزى اسىراي المايدى. ال، سوڭعى جىلدارى بۇل ايماقتا سۋ تاسقىندارى ورىن العانىن ەسكەرسەك، تۇرعىنداردىڭ از ۋاقىتتا اشتىققا ۇشىراۋى عاجاپ ەمەس. ونىڭ ۇستىنە، ك ح د ر سىرتقى الەممەن وقشاۋلانعاننان كەيىن، ەلگە سىرتتان ەشقانداي تاۋار كەلمەيدى.

قايىرىمدىلىق قورلارى سولتۇستىك كورەيا حالقىنا قارجى بولگەنىمەن ول مەجەلەگەن نىسانعا جەتە بەرمەيتىنى تاعى انىق. مەملەكەتتىڭ بيلىگى دە اۋىل شارۋاشىلىعىنا كوڭىل اۋدارۋدى دوعارعان. IIE گازەتىنىڭ مالىمدەۋىنشە، ەل تۇرعىندارىنا جىل سايىن 4 ميلليون توننا استىق كەرەك ەكەن. ال، ەل قورىندا نەبارى شامامەن 100 مىڭ توننا كۇرىش بار.

Baq.kz