وسكەمەنگە قىتايدان ۇلكەن دەلەگاتسيا كەلەدى
10 - تامىزدا شاۋەشەك قالاسىنىڭ شىعارماشىلىق ۇجىمى «ءۇلبى» ءو م ۇ- دە كونتسەرت قويادى. ونىڭ باعدارلاماسىندا قىتاي فولكلورلىق ءانسامبلىنىڭ نومەرلەرى قويىلىپ، شاۋەشەك قالاسى مەن ق ح ر- نىڭ باسقا قالالارىنان ۆوكالشىلاردىڭ ورىنداۋىندا قىتاي، ۇيعىر جانە قازاق تىلدەرىندەگى اندەر ايتىلادى.
11 - تامىز كۇنى وقۋشىلار سارايىندا وسكەمەندىكتەر ءۇشىن شاۋەشەك قالاسىندا شىعارىلعان تاۋارلاردىڭ كورمە- جارمەڭكەسى جۇمىس ىستەيدى. سونىمەن بىرگە، شەتەلدىك قولونەرشىلەر فارفور بۇيىمدارىن جاساپ، مايلى بوياۋمەن سۋرەت سالۋ بويىنشا شەبەرلىك سىنىبىن كورسەتەدى.
سونىمەن بىرگە، سول كۇنى شاۋەشەك قالاسىنان كەلگەن دەلەگاتسيانىڭ ، وسكەمەن قالاسىنىڭ ش و ب وكىلدەرى مەن اۋىل شارۋاشىلىعى قۇرىلىمدارى وكىلدەرىنىڭ قاتىسۋمەن دوڭگەلەك ۇستەل وتەدى. كەزدەسۋ «التاي» ايماقتىق تەحنوپاركىندە وتەدى جانە وندا اۋىل شارۋاشىلىعى سالاسىندا ينۆەستيتسيالاۋ ماسەلەلەرىنە، جاڭا نىسانداردىڭ قۇرىلىسى، سونىمەن بىرگە «تۋىستاس قالالار» جوباسىنىڭ اياسىندا وسكەمەن مەن شاۋەشەك قالالارىنىڭ الەۋمەتتىك- ەكونوميكالىق بايلانىسىن نىعايتۋعا نازار اۋدارىلادى.
