بەيجىڭدە ش ى ۇ مۇشە مەملەكەتتەر ىنتىماقتاستىعىنىڭ سۇراقتارى تالقىلانادى - ق ر ۇ ە م

استانا. قازاقپارات - 7-8- تامىز كۇندەرى بەيجىڭ (ق ح ر) قالاسىندا ق ر ۇلتتىق ەكونوميكا مينيسترلىگى حالىقارالىق ىنتىماقتاستىق دەپارتامەنتىنىڭ ديرەكتورى قايرات تورەبايەۆتىڭ توراعالىعىمەن شانحاي ىنتىماقتاستىق ۇيىمىنا مۇشە مەملەكەتتەردىڭ سىرتقى ەكونوميكالىق جانە سىرتقى ساۋدا قىزمەتىنە جاۋاپتى مينيسترلىكتەرى مەن ۆەدومستۆولارىنىڭ اعا لاۋازىمدى تۇلعالارى كوميسسياسىنىڭ كەزەكتى وتىرىسى وتكىزىلەدى.

بۇل تۋرالى ق ر ۇلتتىق ەكونوميكا مينيسترلىگىنىڭ باسپا ءسوز قىزمەتىنەن حابارلادى.

الداعى ءىس-شارا بارىسىندا ش ى ۇ-عا مۇشە مەملەكەتتەردىڭ كوپجاقتى ساۋدا-ەكونوميكالىق ىنتىماقتاستىق باعدارلاماسىنىڭ جانە 2012-2016- جىلدارعا ارنالعان ش ى ۇ شەڭبەرىندە جوبالىق قىزمەتتى ودان ءارى دامىتۋ بويىنشا ءىس-شارالار تىزبەسىنىڭ ورىندالۋى بويىنشا، ش ى ۇ دامۋ بانكىن جانە دامۋ قورىن قۇرۋ، سونداي-اق ش ى ۇ-عا مۇشە- مەملەكەتتەردىڭ سىرتقى ەكونوميكالىق جانە سىرتقى ساۋدا قىزمەتىنە جاۋاپتى شىۇ- عا مۇشە مەملەكەتتەر مينيسترلەرىنىڭ كەزەكتى وتىرىسىنا دايىندىق ماسەلەلەرىن تالقىلاۋ جوسپارلانىپ وتىر.

سونداي-اق وسى وتىرىستا ش ى ۇ شەڭبەرىندە كوپجاقتى ساۋدا-ەكونوميكالىق ىنتىماقتاستىقتىڭ نەگىزگى باعىتتارى بويىنشا ارنايى جۇمىس توپتارى قىزمەتىن وڭتايلاندىرۋ جانە جانداندىرۋ ماسەلەسى تالقىلاناتىن بولادى.

ش ى ۇ- عا لاۋازىمدى تۇلعالارى كوميسسياسىنىڭ وتىرىسى ادەتتەگىدەي ش ى ۇ مينيسترلەرى وتىرىسىنىڭ الدىندا وتكىزىلەدى جانە ش ى ۇ قىزمەتىنىڭ ءار ءتۇرلى سالالارىنداعى ءوزارا ءىس-قيمىلدى جانداندىرۋ جانە تەرەڭدەتۋ ماقساتىندا وتكىزىلەتىن جىل سايىنعى ءىس-شارا بولىپ تابىلادى.