قىتاي ايدى اڭساپ وتىر

استانا.قازاقپارات - اعىلشىن باسىلىمدارى قىتايدىڭ ايدى يگەرۋ تۋرالى جوسپارىنان قاۋىپتەنەتىنىن مالىمدەدى.

Times گازەتىنىڭ جازۋىنشا، قىتاي ايعا فابريكا سالىپ، ول جاقتان گەلي-3 يزوتوپىن ءوندىرۋدى جوسپارلاپ وتىر.

 كەيىنگى كەزدە عالىمدار اتالعان ەلەمەنتتىڭ بولاشاقتا تەرمويادرولىق رەاكتورلارعا ءتيىمدى ەكەنىن دالەلدەپ شىققان- دى. نوتتينگەم ۋنيۆەرسيتەتىنىڭ فۋتۋرولوگى كريستوفەر بارناتتىڭ پىكىرىنشە، «اسپان استى ەلى» الەم الدىنداعى بەدەلىن كوتەرۋ ءۇشىن ەمەس، ەكونوميكالىق ءتيىمدى بولعاندىقتان مۇنداي قادامعا بارماق. قىتايدىڭ «ايدى يگەرۋ باعدارلاماسىنا» باسشىلىق جاسايتىن وۋيانگ زيۋان ءوز كەزەگىندە ايدا گەلي-3 يزوتوپىنىڭ مولدىعىن العا تارتىپ وتىر.

الدا- جالدا ولاردىڭ جوسپارى جۇزەگە اسا قالسا، ادامزات الداعى 10 مىڭ جىلدىقتا ەنەرگيامەن قامتاماسىز ەتىلمەك. ازىرگە قىتاي ايدى قالاي يگەرەتىنى بەلگىسىز، ءبىراق مۇنداي جوسپاردىڭ بار ەكەنىنە ەشكىم كۇدىك كەلتىرمەيدى. ال ا ق ش ايدان گەلي-3 يزوتوپىن تاسۋدى قولعا السا، 20 ميلليارد دوللار شىعىن كەتەدى دەيدى كەيبىر ماماندار. 1962 - جىلى قىتاي ب ۇ ۇ اياسىندا 102 مەملەكەتپەن بىرگە اسپان كەڭىستىگىن پايدالانۋ تۋرالى كەلىسىمگە قول قويعان بولاتىن. الايدا، اعىلشىن زاڭگەرلەرى اتالعان قۇجاتتىڭ كەيبىر تۇسىندا ىلىك بارىن جاسىرمايدى .

دۋاناباي جولداسبەك

«ايقىن»