مەملەكەت ساياساتىن سىناعان شەنەۋنىك قىزمەتتەن كەتتى
بەلياكوۆ 6- تامىز كۇنى Facebook الەۋمەتتىك جەلىسىندەگى جەكە پاراقشاسىندا ۇكىمەتتىڭ زەينەتاقى قورىنان قارجى الۋ شەشىمى ءۇشىن كەشىرىم سۇراعان. ول ۇكىمەتتىڭ بۇل ساياساتى ءۇشىن وكىنەتىنىن «جەكە پىكىرىم» دەپ اتاعان. جۇمىس كۇنى اياقتالار ۋاقىتتا ول قىزمەتىنەن بوساتىلدى.
رەسەي ۇكىمەتىنىڭ سايتىندا جاريالانعان بەلياكوۆتىڭ قىزمەتىنەن بوساتىلعانى تۋرالى حابارلامادا «شەنەۋنىكتەرگە ءوز جۇمىسىنا قاتىسى بولماسا كوپشىلىك الدىندا مالىمدەمە جاساپ، باعا بەرۋگە تىيىم سالىناتىنى» ايتىلعان.
سەرگەي بەلياكوۆ 2012- جىلدىڭ تامىزىنان ءمينيستردىڭ ورىنباسارى بولعان.
بۇدان بۇرىن رەسەيدىڭ قارجى مينيسترى انتون سيلۋانوۆ زەينەتاقى قورىنداعى قارجى «داعدارىسقا قارسى شارالارعا جۇمساۋ ءۇشىن جانە ناۋرىز ايىندا ۋكراينادان اننەكسيالانعان قىرىم تۇبەگىن دامىتۋعا پايدالانىلعانىن» مالىمدەگەن ەدى.
«ازاتتىق»
