التاي حانشايىمىن قايتا جەرلەگەن ءجون

استانا.قازاقپارات - التاي رەسپۋبليكاسىنىڭ قوعامدىق وكىلدەرى مەن رۋحاني ءدىني باسقارماسىنىڭ قىزمەتكەرلەرى ۇلتتىق مۇراجايعا قويىلعان التاي حانشايىمىنىڭ مۋميالانعان سۇيەك قاڭقاسىن قايتادان جەر قويناۋىنا قايتارۋدى سۇراپ وتىر.

 قوعام قايراتكەرلەرىنىڭ ايتۋىنا قاراعاندا، سوڭعى بىرەر جىلدا التاي ايماعىندا ءارتۇرلى تابيعي توسىن اپاتتار ورىن الىپ، حالىقتىڭ مازاسىن الۋدا.

- كەيىنگى كەزەڭدەگى ءارتۇرلى تابيعي اپات ەلدى الاڭداتۋدا. توسىن وقيعالارعا قاتىستى حالىق تەلەفون شالىپ، حانشايىمدى جەر قوينىنا قايتا جەرلەۋدى سۇراپ وتىر. بىزگە جاراتقان يەم ءبىر سىناق جىبەرگەن شىعار. سوندىقتان التاي حانشايىمىن ادام سياقتى ادەت- عۇرىپپەن قايتا جەرلەۋ كەرەك دەپ ويلايمىز، - دەيدى شارانى ۇيىمداستىرۋشىلاردىڭ ءبىرى اكاي كينە.

 قازىر وڭىردە قول جيناۋ جۇمىستارى باستالىپ كەتتى. بيلىك قاشان وسى باستاماعا جاعىمدى سيپاتتا جاۋاپ بەرەدى، وعان دەيىن قول جيناۋ تولاس تاپپايدى.

 قازىر قول جيناۋشىلار حاتتى رەسپۋبليكا باسشىسى الەكساندر بەردنيكوۆكە جىبەرمەك.

- ءبىز سكيف داۋىرىندەگى جاعدايعا قۇرمەتپەن قاراۋىمىز كەرەك. ەكىنشىدەن، بۇل ارەكەت ءارۋاقتى سىيلاۋ بولىپ تابىلادى. سوندىقتان التاي حانشايىمىن ارۋلاپ، قايتادان جەرلەۋىمىز كەرەك، ايتپەسە، سوڭعى ءتورت- بەس جىلدا التاي وڭىرىندە اپات كوبەيىپ بارادى، ەرتە كوكتەمدە جانە ەلدى توپان سۋ باستى. جاعدايدى وزگەرتپەسە بولمايدى، - دەيدى كينە.

 اقيقاتىنا كەلسەك، التاي حانشايىمىنىڭ سۇيەگىن نوۆوسىبىرلىك ارحەولوگتار 1993 - جىلى تاپقان بولاتىن. سودان بەرى ول التايدىڭ ۇلتتىق مۋزەيىندە جاتىر. يۋنەسكو بىرنەشە جىل وتكەن سوڭ حانشايىم تابىلعان قاسيەتتى جەر ۋكوكتى بۇكىل الەمدىك مادەني مۇرالار تىزىمىنە ەنگىزدى.

جالپى، التاي حانشايىمىن قايتا جەرلەۋ تۋرالى پىكىر سوڭعى ونداعان جىل بويى ءجيى ايتىلىپ كەلەدى. التاي رەسپۋبليكاسىنىڭ ۆانگا ىسپەتتى كورىپكەلى كلارا قىپشاقوۆا حانشايىم دا قاسيەتتى ورنىنان قايتارۋ كەرەكتىگىن ءجيى ايتىپ ءجۇر.

 -  حانشايىم تۇسىمە ەنىپ، مەنى ءجيى مازالاپ ءجۇر. ونىڭ بويى بيىك، شاشى قارا، كوزى كوك، بەتى دوڭگەلەك ءجۇزدى. ماعان ءجيى كەلىپ، كومەك سۇرايدى، تۇسىمدە ءوزى جاتقان بۇرىنعى جەردى كورسەتەدى، قاسىندا كۇيەۋى جاتقانىن ايتادى، قارا جەرگە قايتا بارعىسى كەلەدى. سوندىقتان ءارۋاقتى مازالاماي، ارۋلاپ قويۋىمىز كەرەك، -  دەيدى ول.

 ەڭ ءبىر نازار اۋدارارلىق جاعداي، ەگەر التاي ارۋىن ارۋلاپ قايتا كومبەسەك، 2014 - جىلى التاي ءوڭىرى، تۇتاستاي العاندا رەسەيدىڭ بارلىعىن ۇلكەن اپات كۇتىپ تۇر، -  كورىپكەل ايەل كلارا قىپشاقوۆا.

.. .مۇمكىن قىپشاقتىڭ قىزى كلارانىڭ ايتقانىندا قيسىن بار شىعار. ۋكراينامەن، ەۋرووداقپەن، الىستاعى ا ق ش- پەن قىرعي- قاباق جاعدايدا تۇرعان ورىستار وسى ساتتە التاي حانشايىمىن قارا جەرگە قايتا جەرلەسە، تىنىشتىق ورنار.

 

دايىنداعان بەرىك بەيسەن ۇلى

«ايقىن»