ورالداعى «مۇرىن تىستەگىش» التى جىلعا باس بوستاندىعىنان ايىرىلدى
بقو سوتىنىڭ باسپا ءسوز قىزمەتىنەن حابارلاعانىنداي، ا. كوپبولسىنوۆ ماس كۇيىندە ورال قالاسىنىڭ جەلايەۆ تاس جولى بويىندا ورنالاسقان «كازۆتورچەرمەت» ا ق اكىمشىلىك عيماراتىنداعى بۋحالتەريا كابينەتىنە كىرىپ، بۇرىننان تانىسى گ. قازەتوۆامەن وزىمەن كەزدەسۋدەن باس تارتىپ جۇرگەنى تۋرالى سوزگە كەلگەن.
ارى قاراي تانىسىنىڭ دەنساۋلىعىنا قاساقانا زيان كەلتىرۋ ماقساتىندا شاشىنا شاپ بەرىپ، باسىن قاسىندا تۇرعان ۇستەلگە ءبىر-اق ۇرىپ، مۇرنىنىڭ سىرتقى قاباتىن قىرقىپ تىستەپ العان. سونىمەن قاتار، ونىڭ زاڭسىز ءىس-ارەكەتىنىڭ سالدارىنان «كازۆتورچەرمەت» ا ق-نىڭ قالىپتى قىزمەت جاعدايىنا كەدەرگى كەلتىرىلىپ، قوعامدىق ءتارتىپ بۇزىلعان.
ورال قالالىق سوتىنىڭ ۇكىمىمەن اسقار كوپبولسىنوۆ ق ر قىلمىستىق كودەكسى 103-بابى 2-بولىگىنىڭ «ج» تارماعىمەن بۇزاقىلىق نيەتپەن دەنساۋلىققا قاساقانا اۋىر زيان كەلتىرگەنى ءۇشىن كىنالى دەپ تانىلىپ، ونى 6 جىل باس بوستاندىعىنان ايىرىپ، جازاسىن جالپى رەجيمدەگى تۇزەۋ كولونياسىندا وتەۋگە سوتتالدى.
اۆتور: ەلجان ەرالى
