ساراپشى قازاقستان ۇكىمەتىندەگى وزگەرىستەردىڭ سەبەبىن ايتتى

استانا. قازاقپارات - قازاقستان ۇكىمەتىندەگى وزگەرىستەر ەلىمىزدە كەزەكتى دەۆالۆاتسيانىڭ(اقشانىڭ قۇنسىزدانۋىنىڭ) الدىن الۋ ءۇشىن جاسالۋى مۇمكىن.

بۇنداي مەملەكەتتىك كادرلاردىڭ اۋىسۋى قاۋىپسىزدىك ماقساتىندا قولدانىلماق.

بۇل تۋرالى Almaty.tv تىلشىسىنە ساياساتكەر اندرەي چەبوتاريەۆ مالىمدەدى.

«مەنىڭ ويىمشا، بولىپ جاتقان وزگەرىستەر ەلىمىزدەگى جاعدايدى جاقسارتۋدىڭ ءبىر ءتاسىلى. نەگىزىندە، قانداي جاعداي بولماسىن، ءاۋ باستا ۇكىمەتتىڭ تۇراقتى تۇجىرىمداماسىن جاساۋ قاجەت ەدى. قازىرگى تاڭدا ۇكىمەتتە قايتا وزگەرىستەر ورىن الدى. ونىڭ قانشالىقتى تيىمدىلىگىن بولاشاقتا كورە جاتارمىز. ءدال قازىر كىمنىڭ قاي ورىنعا ورنالاسقانىن باقىلاعان ءجون. ۇكىمەتتەگى وزگەرىستەر ەلىمىزدە كەزەكتى دەۆالۆاتسيانى الدىن الۋ ماقساتىندا جاسالۋدا»، - دەدى چەبوتاريەۆ.

سونىمەن قاتار، قازاقستاندىق ساراپشىنىڭ ايتۋىنشا، 17 مينيسترلىكتەن 12 مينيسترلىككە قىسقارۋى، ولاردى ءجىتى باقىلاۋ ءۇشىن ۇيىمداستىرىلعان.

«وعان قوسا مەملەكەتتىك قىزمەتكەرلەردىڭ قاتارى ازايۋى مۇمكىن. بۇل مەملەكەتتىك بيۋدجەتپەن قوسا اپپاراتتاعى جەمقورلىقتىڭ قىسقارۋىنا ءوز سەپتىگىن تيگىزەدى. ءبىراق، مەن ونى باستى ماقساتتاردىڭ ءبىرى دەپ ەسەپتەمەيمىن»، - دەدى ساراپشى.