ن. نازاربايەۆ نۇرلان قاپپاروۆقا «قازاتومونەركاسىپ» ۇ ا ك باسشىسى قىزمەتىن ۇسىندى

استانا. قازاقپارات - بۇگىن اقوردادا وتكەن ۇكىمەتتىڭ كەڭەيتىلگەن وتىرىسىندا ەلباسى نۇرسۇلتان نازاربايەۆ بۇعان دەيىن قورشاعان ورتا جانە سۋ رەسۋرستارى ءمينيسترى بولعان نۇرلان قاپپاروۆقا «قازاتومونەركاسىپ» ۇلتتىق كومپانيايسىنىڭ باسشىسى قىزمەتىن ۇسىندى.

ايتا كەتەرلىگى، بۇعان دەيىن ەلباسى مۇناي جانە گاز مينيسترلىگى، يندۋستريا جانە جاڭا تەحنولوگيالار مينيسترلىگىنىڭ ەنەرگەتيكا سالاسىنا، قورشاعان ورتا جانە سۋ رەسۋرستارى مينيسترلىگىنىڭ قورشاعان ورتانى قورعاۋ سالاسىنا قاتىستى قىزمەتتەرى مەن وكىلەتتىلىكتەرى بەرىلە وتىرىپ، ەنەرگەتيكا مينيسترلىگى قۇرىلعانىن جاريا ەتكەن ەدى.

«بۇل مينيسترلىككە قورشاعان ورتانى قورعاۋ ماسەلەلەرى كىرەدى. نۇرلان قاپپاروۆ بۇل جۇمىستاردى جاقسى جۇرگىزدى. ول ءوز قالاۋىمەن بۇل مينيسترلىكتە ورىنباسار رەتىندە جۇمىسىن جالعاستىرا الادى نەمەسە مەن وعان «قازاتومونەركاسىپ» ۇلتتىق كومپانياسىنىڭ پرەزيدەنتى بولۋدى ۇسىنامىن. شەشىمىڭدى ماسىموۆكە بايان ەتەرسىڭ»، - دەدى ن. نازاربايەۆ.

اۆتور: مارلان جيەمباي