ەكونوميكانىڭ بۇدان ءارى دامۋى ءتيىمدى قارجىلىق سەكتورسىز مۇمكىن ەمەس - مەملەكەت باسشىسى

استانا. قازاقپارات - «اۋىل شارۋاشىلىعى ونىمدەرىن وڭدەيتىن وندىرىستەر قۋاتى %30 عانا جۇكتەلگەن. بۇل ماسەلەدە اكىمدىكتەر جاقسىلاپ جۇمىس ىستەۋى كەرەك»، - دەدى ن. نازاربايەۆ اقوردادا ءوتىپ جاتقان ۇكىمەتتىڭ كەڭەيتىلگەن وتىرىسىندا، دەپ حابارلادى اقوردانىڭ باسپا ءسوز قىزمەتى تۆيتتەر ارقىلى.

سونداي-اق، ول مەملەكەت سۋبسيديالار كولەمىن جىل سايىن ارتتىرىپ كەلە جاتقانىن ايتا كەلىپ، جاۋاپتى تۇلعالاردان وسى سالادا قانداي ناتيجەگە جەتكەنىمىزدى سۇرادى. «مەملەكەت سۋبسيديالار كولەمىن جىل سايىن ارتتىرىپ كەلەدى. سوڭعى 5 جىلدا 2 ەسەگە ۇلعايدى. ال ناتيجە قانداي؟» - دەپ سۇرادى مەملەكەت باسشىسى.

سونىمەن قاتار، ەلباسى ۇكىمەتكە اۋىل شارۋاشىلىق ونىمدەرىن وندىرۋشىلەردى سۋبسيديالاۋدىڭ تەتىكتەرىن وزگەرتۋ قاجەت ەكەندىگىن تاپسىردى.

سونداي-اق، «ەكونوميكانىڭ بۇدان ءارى دامۋى ءتيىمدى قارجىلىق سەكتورسىز مۇمكىن ەمەس»، - دەدى ن. نازاربايەۆ

ۇكىمەتكە شاعىن جانە ورتا بيزنەس وكىلدەرىنىڭ ايىپپۇلدارى مەن ءوسىماقىلارىن سالىقتىق امنيستيالاۋدى تاپسىرامىن.

اۆتور: ءابۋ- اسقار مەكەش ۇلى