الپىس ەكى جىل وتاسقان ەرلى-زايىپتىلار ءبىر كۇندە دۇنيە سالدى
بۇل تۋرالى جەرگىلىكتى باسىلىمنىڭ بىرىنە ولاردىڭ نەمەرەسى مەليسسا سلوۋن سۇحبات بەرگەن. ونىڭ ايتۋىنشا، اتاسى مەن اجەسى نەبارى 4 ساعات ايىرماشىلىعىمەن ءبىر كۇننىڭ ىشىندە قايتىس بولعان. 87 جاستاعى ماكسين قۋىق ىسىگىمەن اۋىرسا، ال 90 جاستاعى دون التسگەيمەر سىرقاتىنان زارداپ شەككەن. ول ازداي، وكپەسى قابىنىپ جانە ومىردەن وتەرىنە ءبىر اپتا بۇرىن جامباسىن سىندىرىپ العان. جۇبايلار 1952- جىلى نەكەلەرىن قيىدىرىپ، جۇمىس بابىمەن ا ق ش-تان گەرمانياعا قونىس اۋدارادى.
دون نەمىس جەرىندە ا ق ش ارمياسىنا ينجەنەر-قۇرىلىسشى قىزمەتىن اتقارادى. جاس وتباسى جەرگىلىكتى بالالار ۇيىنەن ءتىپتى ەكى ءسابيدى باۋىرىنا باسقان. كەيىن قايتادان كاليفورنياعا ورالىپ، تىرشىلىكتەرىن جالعاستىرعان. سوڭعى جىلدارى اۋىر ناۋقاستارىنا بايلانىستى مەليسسا سلوۋن اجەسى مەن اتاسىن قاسىنا الىپتى. اقىرى سىرقاتى سىر بەرگەن ماكسين 21- شىلدە كۇنى تاڭعى ساعات 7:00 دە دۇنيەدەن وزىپتى. ساعات 10:00 شاماسىندا ونىڭ دەنەسىن ءمايىتحاناعا الىپ كەتكەننەن كەيىن نەمەرەسى اتاسىنىڭ تىنىسى تارىلا باستاعانىن بايقاعان. ارادا ءبىر ساعاتتان سوڭ ول دا ماڭگىلىككە كوز جۇمعان. اۆتورى: جىگەر سارسەن
24.kz
