ن. نازاربايەۆ ب. ساعىنتايەۆقا بيۋجەت قاراجاتىن ءتيىمسىز پايدالانۋ وقيعالارىنا تىكەلەي جاۋاپتى ەكەنىن ەسكەرتتى
«قاراجاتتىڭ ءتيىمدى پايدالانىلۋىنا سەن تىكەلەي جاۋاپتىسىڭ»، - دەدى ن. نازاربايەۆ اقوردادا ءوتىپ جاتقان ۇكىمەتتىڭ كەڭەيتىلگەن وتىرىسىندا.
ايتا كەتەيىك، وتىرىستا مەملەكەتتىڭ ەكونوميكالىق جانە الەۋمەتتىك دامۋىنىڭ نەگىزگى ماسەلەلەرى قاراستىرىلۋدا.
مەملەكەتتىك قازىنا وتكەن التى ايدا بىلتىرعىعا قاراعاندا ون توعىز پايىزعا تولىقتى.
«التى ايدا بيۋجەت كىرىسى ءوستى، بيۋجەتتىڭ بارلىق دەڭگەيىندەگى تۇسىمدەر ورىندالدى. مەملەكەتتىك قازىنا ون توعىز پايىزعا نەمەسە بىلتىرعىعا قاراعاندا التى ءجۇز ەكى ميلليارد تەڭگەگە تولىقتى. بۇل ءوسىم ۇلتتىق قوردىڭ ترانسفەرتتەرىن ارتتىرۋدان دا ورىن الدى»، - دەدى مينيستر.
ونىڭ ايتۋىنشا، وتكەن التى ايدا رەسپۋبليكالىق بيۋجەت شىعىسى شامامەن ءتورت تريلليون تەڭگەگە ورىندالدى. يگەرىلمەگەن قاراجات ءجۇز وتىز ميلليارد تەڭگەنى قۇرايدى، ونىڭ ىشىندە رەسپۋبليكالىق بيۋجەت جەتپىس جەتىنى قۇرايدى.
قارجىلىق باقىلاۋ ورگاندارى ەسەپتى كەزەڭدە سەكسەن ميلليارد تەڭگەنىڭ قارجىلىق بۇزۋشىلىقتارىن انىقتاعان.
«رەسپۋبليكالىق بيۋجەت تاپشىلىعى ەكى ءجىز سەكسەن بەس ميلليارد تەڭگە شاماسىندا بولىپ، ول تولىعىمەن ىشكى قارىز ەسەبىنەن وتەلدى. ال مەملەكەتتىك قارىز قاۋىپسىز دەڭگەيدە تۇر. سونىمەن قاتار، سىرتقى كوزدەردەن ءتيىمدى قاراجاتتار تارتۋ مۇمكىندىكتەرى قاراستىرىلۋدا»، - دەدى ب. سۇلتانوۆ.
ەلباسى ءوز سوزىندە يندۋستريالاندىرۋدىڭ ءبىرىنشى بەسجىلدىعى اياسىندا جەتى جۇزدەن استام كاسىپورىننىڭ ىسكە قوسىلعاندىعىن اتاپ ءوتتى.
«بارلىق اكىمدەر ءبىز سالعان وسى كاسىپورىندار ءوز قۋاتتارىن يگەرۋىن ءجىتى باقىلاۋعا الۋلارى كەرەك. ءار جەردەن شاعىن جانە ورتا بيزنەستەن ەكونوميكاعا پايداسىن تيگىزەتىندەي جاعداي جاسالۋى ءتيىس»، - دەدى ن. نازاربايەۆ.
ق ر پرەزيدەنتى ءوز سوزىندە الەمدىك ەكونوميكادا تۇراقسىزدىق ورىن الىپ وتىرعانىن ءارى ءبىراز ۋاقىت ونىڭ ساقتالۋى مۇمكىن ەكەندىگىن دە باسا اتاپ ءوتتى.
«سوندىقتان ءاربىر مەكەمە، شاعىن بيزنەس، جاقىندا ىسكە قوسىلعان زاۋىت پەن فابريكا جۇمىس ىستەۋلەرى قاجەت. كەيبىرەۋلەرى ەلۋ پايىزعا، وتىز پايىزعا دەيىنگى ءوزىنىڭ قۋاتىنا جەتكەن جوق. سولاردىڭ ءارقايسىسى، ءار وبلىستا رەزەرۆتە تۇرۋى كەرەك»، - دەدى مەملەكەت باسشىسى.
