ەلىمىزدە حالىق جاپا شەكپەۋى ءۇشىن دۇرىس ۇيىمداستىرىلماعان بازارلاردى جابۋ قاجەت - مەملەكەت باسشىسى

استانا. قازاقپارات - مەملەكەتتىك ساتىپ الۋ تولىعىمەن ەلەكتروندى فورماتتا ءجۇرۋى ءتيىس. بۇگىن اقوردادا ءوتىپ جاتقان ق ر ۇكىمەتىنىڭ وتكەن التى ايعى قىزمەتىن قورىتىندىلاۋعا ارنالعان كەڭەيتىلگەن وتىرىسىندا ەلباسى ن. نازاربايەۆ وسىلاي ءمالىم ەتتى.

«مەملەكەتتىك ساتىپ الۋلاردا سىبايلاس جەمقورلىق ارەكەتتەرى بايقالادى. ءبىز مۇنى ەلەكتروندىق فورماتقا اۋىستىرىپ جاتىرمىز، بۇل دۇرىس.

ساتىپ الۋدى ەلەكتروندى فورماتتا وتكىزۋ بيزنەستى جۇرگىزۋدىڭ تيىمدىلىگىنە، شەنەۋنىكتەردىڭ جاعىمسىز ارەكەتتەرىنە اسەر ەتۋى كەرەك. سوندىقتان دا، مەملەكەتتىك ساتىپ الۋلاردى تولىعىمەن ەلەكتروندىق فورماتتا، ينتەرنەت ارقىلى وتكىزۋگە ءتيىسپىز»، - دەدى ن. نازاربايەۆ.

ءوز كەزەگىندە قارجى ءمينيسترى باقىت سۇلتانوۆ ەلباسىنىڭ تاپسىرماسىنا سايكەس، ەلەكتروندىق فورماتتا مەملەكەتتىك ساتىپ الۋ جۇمىستارى اتقارىلىپ جاتقانىن اتاپ ءوتتى. «بۇدان بولەك، جولداۋدا جۇكتەلگەن مىندەتتەرگە سايكەس، ءبىز جاڭا زاڭ جوباسىن ازىرلەدىك، ول بويىنشا مەملەكەتتىك ساتىپ الۋلار ودان سايىن جەتىلدىرىلەدى. زاماناۋي ستاندارتتاردى دا ەڭ جوعارى دەڭگەيدە پايدالانمىز، ناتيجەسىندە بيزنەستى جۇرگىزۋ ماسەلەلەرى بۇدان دا جاقسارا ءتۇسۋى شارت»، - دەدى مينيستر.

ءسوز اراسىندا مەملەكەت باسشىسى كولەڭكەلى ەكونوميكا ماسەلەسىنە دە ءمينيستردىڭ نازارىن اۋداردى. «قازاقستاندا جۇزدەگەن مىڭ بازارلار بار. ولاردا تۇرعان بويى انتيسانيتاريا. بىزگە جابىق، وركەنيەتتى ۇيىمداستىرىلعان ساۋدا ورتالىقتارىن سالۋ كەرەك. اكىمدەر بۇعان جەر ءبولىپ، ولاردى سالىقتان بوساتىپ، ارنايى ەكونوميكالىق ايماققا قوسۋلارى كەرەك. ەلىمىزدە حالىق جاپا شەكپەۋى ءۇشىن دۇرىس ۇيىمداستىرىلماعان بازارلاردى جابۋ قاجەت»، - دەدى ن. نازاربايەۆ.