سىرتتاعى وتانداستارىمىزدىڭ كەلۋىنە جول اشىپ، ولاردىڭ ەل ىشىندە ورنالاسۋىنا جاعداي جاساۋىمىز كەرەك - ن. نازاربايەۆ
بۇل تۋرالى بۇگىن اقوردادا ءوتىپ جاتقان ۇكىمەتتىڭ كەڭەيتىلگەن وتىرىسىندا ەلباسى ن. نازاربايەۆ مالىمدەدى.
«ءبىز ورالمانداردىڭ جاعدايىن جاساۋىمىز كەرەك. ال ىشكى كوشى-قون ماسەلەسى تۋرالى بۇرىن دا ايتىلعان. ادامداردى جۇمىس ورىندارى بار جەرلەرگە قاراي جىبەرۋ قاجەت. وڭتۇستىك وڭىرلەردە جۇمىس ورىندارى از، سوندىقتان ادامدار بۇل جاعدايدى دۇرىس تۇسىنۋلەرى ءتيىس. قۇدايعا شۇكىر، قازاقستان كەڭ-بايتاق. جۇمىس ورىندارى اشىلۋدا، اسىرەسە جاستار ءبىر جەردە وتىرا بەرمەي، ءار جەرگە بارىپ، جۇمىس ىستەپ، ەلىمىزدىڭ بولاشاعىن بىرگە جاساۋى كەرەك»، - دەدى ن. نازاربايەۆ.
ق ر ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ءوزىنىڭ بايانداماسىندا اتاپ وتكەندەي، بيىل قازاقستانعا جالپى سانى 35 مىڭ ادامدى قۇرايتىن 13 مىڭ وتباسى قونىس اۋدارعان. ولاردى ورنالاستىرۋ «جۇمىسپەن قامتۋدىڭ جول كارتاسى-2020» باعدارلاماسى ارقىلى جۇزەگە اسىرىلۋدا. سونىمەن قاتار، ءمينيستردىڭ ايتۋىنشا، قىركۇيەك ايىندا پارلامەنتكە ورالمانداردى ورنالاستىرۋ ماسەلەلەرىنە قاتىستى زاڭ جوباسى ەنگىزىلەتىن بولادى.
اۆتور: ءابۋ- اسقار مەكەش ۇلى
