ۇكىمەتتىڭ الداعى ەكونوميكالىق ساياساتى بۇگىن تاپ بولعان تاۋەكەلدەردى شەشۋگە نەگىزدەلۋى ءتيىس - ەلباسى

استانا. قازاقپارات - ۇكىمەتتىڭ الداعى ەكونوميكالىق ساياساتى بۇگىن تاپ بولعان تاۋەكەلدەردى شەشۋگە نەگىزدەلۋى ءتيىس. بۇگىن اقوردادا ۇكىمەتتىڭ كەڭەيتىلگەن وتىرىسى بارىسىندا ق ر پرەزيدەنتى نۇرسۇلتان نازاربايەۆ وسىلاي ايتتى.

جيىن بارىسىندا ەلباسى الەمدىك ەكونوميكانىڭ بۇگىنگى جاعدايى مەن ت م د كەڭىستىگىندەگى جاعدايلارعا توقتالا كەلە، ولاردىڭ وڭىرلىك قانا ەمەس، جاھاندىق سيپاتتا ەكەنىن، وعان قازاقستان دا مۇقيات نازار اۋدارۋ كەرەكتىگىن اتاپ ءوتتى.

«ءاربىر باسشىسى، مەيلى ول جەرگىلىكتى جەردە بولسىن، مەيلى ورتالىق ورگاندا بولسىن، ەندى نە ىستەۋ كەرەكتىگىن مۇقيات ءبىلۋى كەرەك. ال الداعى ۋاقىتتا ۇكىمەتتىڭ ەكونوميكالىق ساياساتى بۇگىنگى تاپ بولعان تاۋەكەلدەردى شەشۋگە نەگىزدەلۋى ءتيىس. سوندىقتان دا، ءبىز بۇگىن ەڭ الدىمەن اعىمداعى ەكونوميكالىق ساياساتتى سارالاپ، جاڭا جاعدايلاردى ەسكەرە كەلە، جاڭا شارالاردى قابىلداۋعا ءتيىسپىز»، - دەدى ەلباسى ن. نازاربايەۆ.

اۆتور: قانات مامەتقازى ۇلى