09:51, 06 - تامىز 2014 | GMT +5
سۋعا ءتۇسىپ كەتكەن ۇيالى تەلەفونىن الۋ ءۇشىن كولدى قۇرعاتپاق بولعان
استانا. قازاقپارات - گەرمانيانىڭ كەلن قالاسىنىڭ جاس ءوسپىرىم تۇرعىنى كولگە ءتۇسىپ كەتكەن سمارتفونىن الۋ ءۇشىن ونىڭ بار سۋىن سورىپ الماق بولعان. ول تەلەفونىن كولدە دوستارىمەن بالىق اۋلاپ جۇرگەن كەزدە ءتۇسىرىپ العان ەكەن.
سۋدى ول كولگە جاقىن ماڭداعى قوعامدىق دارەتحاناعا سورعى مەن ەكى شلانگىنى پايدالانىپ اعىزعان، دەپ جازادى Lenta.ru.
ءبىراز ۋاقىتتان سوڭ قوعامدىق دارەتحانا ماڭىنا سۋ جايىلىپ، كولشىك پايدا بولا باستاعان. ارتىنان بەلگىلى بولعانداي، مۇنداعى سانتەحنيكا كارىز جۇيەسىنە قوسىلماعان ەكەن.
دارەتحانا اينالاسىنداعى اۋقىمدى كولشىكتى بايقاپ قالعان سول ماڭايداعى اتۆوتۇراق يەسى پوليتسيا قىزمەتكەرلەرىن شاقىرادى.
وقيعا ورنىنا كەلگەن ءتارتىپ ساقشىلارى وقۋشىعا دارەتحانانى بۇلدىرگەنى جانە توعاندى قۇرعاتپاق بولعانى ءۇشىن ايىپ سالعان. جاس ءوسپىرىم بولسا، ءوزىنىڭ بۇل ارەكەتكە تەلەفون جادىسىندا ساقتالىپ قالعان تانىستارىنىڭ نومىرلەرىنە، فوتوسۋرەتتەر مەن بەينەجازبالارعا قول جەتكىزۋ ءۇشىن بارعانىن ايتقان.
