09:40, 06 - تامىز 2014 | GMT +5
مەكتەپ وقۋشىلارى ەجەلگى زامانعى التىن اشەكەيدى قازىپ الدى
استانا. قازاقپارات - سيرەك كەزدەسەتىن التىن اشەكەي بۇيىم نورتامبەرلەند اعىلشىن گرافتىعىندا ارحەولوگيالىق قازبالار كەزىندە تابىلدى. بۇل تۋرالى سەيسەنبى كۇنى The Daily Telegraph گازەتى جازدى. ۇلى بريتانيا اۋماعىنان تابىلعان ەجەلگى مەتالدى زاتتى الستون قالاسىنىڭ باستاۋىش مەكتەبىنىڭ ەرىكتىلەر رەتىندە ەجەلگى توبەدەگى قازبا جۇمىستارىنا قاتىسقان ءتورت وقۋشىسى تاپقان.
ۇزىندىعى 33 ملليمەتر التىن ارتەفاكت شاش جيناۋعا ارنالعان قىستىرعىش رەتىندە پايدالانىلعان. التىن اشەكەيگە 4 مىڭ جىل بولعان، ول ەنەوليت كەزەڭىندە جاسالعان بولۋى مۇمكىن.
ەل كولەمىندە بارلىعى وسىنداي 10 اشەكەي بۇيىم تابىلعان. وسى جولى تابىلعان زات ساراپتاماعا جىبەرىلەدى.
