بالىققا تەمەكى شەككىزگەندەردىڭ باسى داۋعا قالدى - كەسكىن

استانا. قازاقپارات - عالامتورعا بالىقتىڭ «تەمەكى شەگىپ» وتىرعان ءساتى تۇسىرىلگەن ۆيدەو قويىلعان. قازىرگى ساتتە ونىڭ كورىلىمى ءجۇز مىڭنان اسىپ كەتتى، دەپ جازادى شەتەلدىك ب ا ق.

ءبىراق كورەرمەندەر ۆيدەونى ءتۇسىرۋشى بالىقشىلاردىڭ بۇل ءىسىن جاندىكتى قورلاۋ دەپ تاۋىپ، سىنعا الدى. جازىلعان پىكىرلەردىڭ ىشىندە بۇل ارەكەتتى قورشاعان ورتاعا جانە تابيعاتقا جاسالعان قاتىگەزدىك دەپ ايىپتاعاندار دا كەزدەسەدى. ءبىر كورگەندە كۇلكىڭدى كەلتىرەتىن ۆيدەو بولعانىمەن، ول كورەرمەندەردىڭ اشۋ-ىزاسىن كەلتىرىپ، اۆتور سىننىڭ استىندا قالدى.

ازىرشە ونى كىمدەردىڭ قايدا تۇسىرگەندىگى بەلگىسىز.