الماتى سيركى گاسترولدىك ساپارمەن ەلىمىزدى ارالاماق
قازىر ونىڭ ارتىستەرى ونەرسۇيەر قاۋىمعا ارناپ «التىن كالەيدوسكوپ» اتتى جاڭا باعدارلاما دايىنداپ جاتىر.
اندرەي كاناحيننىڭ ونەرىنە تامسانبايتىن جان بولماس. ول ون ەكى مەترلىك بيىكتىكتە «اجالمەن ارپالىسىپ»، «ءولىم شىڭىن» باعىندىرادى. مۇندايدى ءبىزدىڭ ەلدە ءالى ەشكىم جاساماپتى. ال اندرەي قىتايدان ۇيرەنىپ كەلگەن.
«بىزدە بۇل قورقىنىش ەمەس، كۋراج دەپ اتالدى. قورقىنىش بارلىعىن قۇرتادى، ونەرىمىز ءساتسىز بولادى. بۇل ەرلىك سەكىلدى نارسە عوي. ءبىراق مۇلدە قورىقپاۋعا دا بولمايدى. ءار ءنومىر سايىن جانىمىزدى شۇبەرەككە ءتۇيىپ، تاۋەكەلگە بەل بۋامىز»، - دەيدى سيرك ءارتىسى اندرەي كاناحين.
ورىمدەي قىز مارينا ستارودۋبوۆا جاستىعىنا قاراماي 9 جاسىندا-اق سيرك قىزمەتكەرى، ءتىپتى ايلىق الادى. ول سيرككە ءتورت جاسىندا كەلىپتى. سول جىلى «ازيا جاڭعىرىعى» حالىقارالىق فەستيۆالىنىڭ باس جۇلدەسىن جەڭىپ العان. «مۇندا ءارتىس بولۋ ءۇشىن يكەمدىلىك پەن قايسارلىق قاجەت»، دەيدى ول.
«ازىرگە بالام جوق، اللا جازسا، بىرنەشە كۇننەن سوڭ دۇنيەگە كەلۋى ءتيىس. بولاشاقتا ول دا ءبىزدىڭ جولىمىزدى قۋادى دەپ ۇمىتتەنەمىن»، - دەدى «قازاق مەملەكەتتىك سيركى» م ق م ديرەكتورى داۋلەت دوسباتىروۆ.
سيركتە ونەر كورسەتۋدەن بولەك، داۋلەت دوسباتىروۆ بۇرىنعى كەڭەس كەڭىستىگىندەگى بىردەن ءبىر دوكتور اتاعى بار سيرك باسشىسى. جاس باسشىنىڭ جوسپارى - سيرككە كۇردەلى جوندەۋ جۇرگىزۋ، زاماناۋي جابدىقپەن قامتاماسىز ەتۋ. سونداي-اق الماتىلىق سيرك ءوز شاپيتوسىن اشىپ، گاسترولدىك ساپارمەن ەلىمىزدىڭ قالالارىن ارالاماق، دەپ حابارلايدى جەتىنشى ارنا.
