08:36, 06 - تامىز 2014 | GMT +5
ەلوردا اۋەجايىندا «ەير استانا» كومپانياسىنىڭ ۇشاعى اقاۋ سالدارىنان ءابۋ-دابي باعىتىنا ۇشپاي قالدى
استانا. قازاقپارات - سەيسەنبى كۇنى، ياعني كەشە كەشتە «استانا-ءابۋ-دابي» باعىتى بويىنشا EY5893 رەيسىمەن ۇشۋى ءتيىس «ەير استانا» كومپانياسىنىڭ بوينگ-767 ۇشاعى ەلوردانىڭ اۋەجايىنان ۇشىپ كەتە المادى.
«ۇشاق استانا ۋاقىتى بويىنشا ساعات 20:35-تە اۋەگە كوتەرىلۋى ءتيىس بولاتىن، الايدا ءبىر ساعات بويى ونى وتالدىرۋ مۇمكىن بولمادى. دۆيگاتەل وتالعانداي شۋ ەستىلگەنىمەن، سالوندا ارتىنشا جارىق ءسونىپ قالدى. ساعات 21:40 تا جولاۋشىلاردان ۇشاقتان تۇسۋلەرىن ءوتىندى. قازىر ءبىز اۋەجايدامىز، ءبىزدى تاماقتاندىردى. ستيۋاردەسسالار بورت كومپيۋتەرلەرى ىستەن شىعىپ قالعانىن جەتكىزدى»، - دەپ حابارلادى قازاقپارات تىلشىسىنە جولاۋشىلاردىڭ ءبىرى.
قازىرگى ساتتە 70 تەن استام جولاۋشى استانا اۋەجايىنىڭ كۇتۋ زالىندا وتىر. اۋە كومپانياسىنىڭ وكىلدەرىنىڭ ايتۋىنشا، بىرنەشە ساعاتتان سوڭ جولاۋشىلار جوسپارلاعان باعىتتارىنا ۇشىپ كەتە الادى.
