07:38, 06 - تامىز 2014 | GMT +5
مىسىر ەلى سۋەتس كانالىنداي تاعى ءبىر سۋ ارناسىن سالماق
استانا. قازاقپارات - مىسىر بيلىگى سۋەتس كانالىنا بالاما بولاتىن ارنا سالماق. ول تۋرالى بۇگىن يسمايىل قالاسىنداعى سۋەتس ارناسى باسقارما باسشىسى مۋحاب ماميش مالىمدەدى، دەپ حابارلايدى يتار-تاسس.
ونىڭ ايتۋىنشا، جاڭا ارنا بۇرىنعى كانالعا قاتارلاستىرىپ سالىنادى، ونىڭ ۇزىندىعى 72 شاقىرىم بولماق.
«جوبا مىسىردى الەمدەگى ءىرى ونەركاسىپ جانە ەكونوميكا ورتالىعىنا اينالدىرادى دەپ جوسپارلانىپ وتىر»، - دەيدى م. ماميش.
ايتا كەيىك، سۋەتس كانالى ارقىلى الەمدەگى تەڭىز تاسىمالىنىڭ 10 پايىز وتەدى. ۇزىندىعى 190 شاقىرىم بولاتىن كانال - ەگيپەت بيۋجەتىنىڭ نەگىزگى قارجى كوزى.
