جالعان اقپارات تاراتقان استانالىق جارتى جىلعا سوتتالدى
بۇل تۋرالى استانا قالاسىنىڭ پروكۋراتۋراسىنان حابارلاندى.
«2014 -جىلدىڭ قاڭتار ايىندا ازامات كوشەكبايەۆ ءوزىنىڭ ۇيالى تەلەفونىنان 102 نومىرىنە قوڭىراۋ شالىپ، استانا قالاسىنداعى «سارى ارقا» بازارىندا بومبا قويىلعانى تۋرالى حابارلاعان.
بۇل رەتتە وپەراتوردىڭ كورىنەۋ جالعان حابارلاۋ ءۇشىن قىلمىستىق جاۋاپكەرشىلىككە تارتىلاتىنى تۋرالى ەسكەرتۋىنە ول «بازاردا بومبا بار» دەپ ناقتىلاعان.
كەيىننەن ونىڭ حابارى جالعان بولىپ، استانا قالاسى ىشكى ىستەر دەپارتامەنتى مەن ۇلتتىق قاۋىپسىزدىك دەپارتامەنتى جالپى سوماسى 25524 تەڭگەنى قۇرايتىن ماتەريالدىق شىعىن شەكتى»، - دەلىنگەن حابارلامادا.
وسىعان وراي، جاقىندا استانا قالاسى № 2-سارى ارقا اۋدانىنىڭ سوتى ە. س. كوشەكبايەۆتى ق ر قىلمىستىق كودەكسىنىڭ 242-بابىمەن كىنالى دەپ تاۋىپ، دايىندالىپ جاتقان تەرروريزم اكتىسى تۋرالى كورىنەۋ جالعان حابار تاراتقانى ءۇشىن ونى 6 ايعا باس بوستاندىعىنان ايىردى.
اۆتور: قانات مامەتقازى ۇلى
