اتاقتى زەرگەردىڭ مەرەيتويى وتەدى

استانا. قازاقپارات - ەرتەڭ ق ر ەڭبەك سىڭىرگەن ونەر قايراتكەرى، اتاقتى زەرگەر-شەبەر بەرىك ءالىبايدىڭ مەرەيتويىنا وراي ۇلتتىق مۋزەيدە ايتۋلى شارا وتەدى.

بۇل تۋرالى مۋزەيدىڭ باسپا ءسوز قىزمەتى حابارلادى.

مەرەي توي يەسىن قۇتتىقتاۋعا ق ر سۋرەتشىلەر وداعىنىڭ مۇشەلەرى، ق ر مادەنيەت مينيسترلىگىنىڭ، ق ر ۇلتتىق مۋزەي، ق ر تۇڭعىش پرەزيدەنتى مۋزەيىنىڭ، «استانا» ۇلتتىق سۋرەت گالەرەياسىنىڭ قىزمەتكەرلەرى قاتىسادى.

بەرىك ءالىباي 1964 - جىلى جامبىل وبلىسى، مەركە اۋدانى، قىزىل ساي اۋىلىندا دۇنيەگە كەلدى. ن. گوگول اتىنداعى الماتى كوركەمسۋرەت ۋچيليشەسىن جانە ت. جۇرگەنوۆ اتىنداعى قازاق ۇلتتىق ونەر اكادەمياسىن بىتىرگەن.

قازاقستان ديزاينشىلار وداعىنىڭ، قازاقستان سۋرەتشىلەر وداعىنىڭ مۇشەسى. رەسپۋبليكالىق «زەرگەر-99» بايقاۋىنىڭ ەرەكشە «زەرگەرلىك ونەرىنە بەرىلگەندىگى ءۇشىن» سەرتيفيكاتىنىڭ يەگەرى. كوپتەگەن رەسپۋبليكالىق جانە حالىقارالىق كورمەلەرگە قاتىسقان.

ب. ءالىبايدىڭ جۇمىستارى قازاقستان رەسپۋبليكاسىنىڭ ۇلتتىق مۋزەيىنىڭ، الماتى قالاسىنداعى ورتالىق مەملەكەتتىك مۋزەيدىڭ قورلارىندا جانە تۇركيا، ا ق ش، مالايزيا، قاتار، فرانسيا، ارمەنيا جانە باسقا دا مەملەكەتتەردەگى ونەردى باعالاۋشىلار مەن كوللەكسيا جيناۋشىلارىنىڭ جەكە جيناقتارىندا بار.

شەبەر 2013 - جىلى الەمدىك زەرگەرلىك ونەردىڭ مادەني قۇندىلىقتارىنىڭ دامۋىنا قوسقان ۇلەسى ءۇشىن قۇرمەتتى كارل فابەرجە وردەنىن الدى.

ايتا وتەيىك، جيىن مۋزەيدىڭ ءماجىلىس زالىندا ساعات 16.00 دە باستالادى. باعدارلامادا ب. ءالىبايدىڭ زەرگەرلىك جۇمىستارىنىڭ دەفيلە-كورسەتىلىمى دە ۇيىمداستىرىلادى.

 BAQ. KZ