الماتىدا دوپ شىعاراتىن زاۋىت سالىنادى - سپورت اگەنتتىگى
بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە ق ر سپورت جانە دەنە شىنىقتىرۋ ىستەرى اگەنتتىگىنىڭ ءتوراعاسى تاستانبەك ەسەنتايەۆ ءمالىم ەتتى.
«بيىل قازاقستاندىق "Kazsport Technology" كومپانياسى دوپ شىعاراتىن زاۋىت اشادى. وعان سالىنعان جالپى ينۆەستيتسيالاردىڭ كولەمى 130 ميلليون ا ق ش دوللارىنا تەڭ بولادى دەپ جوسپارلانۋدا. ول الماتىدا ورنالاسادى، وندا ۆولەيبول، باسكەتبول مەن فۋتبولعا ارنالعان دوپتار شىعارىلادى. ءبىزدىڭ ماقساتىمىز سپورتپەن اينالىساتىن ءاربىر 2 بالاعا 1 دوپتان كەلەتىندەي مەجەگە جەتكىزۋ. جوسپار بويىنشا جىل سوڭىنا دەيىن سالىنىپ بىتەدى»، - دەدى ءتوراعا.
ونىڭ ايتۋىنشا، وعان قوسا، تۇركيانىڭ «سالسانو» كومپانياسىمەن بىرگە قازاقستاندا سپورتتىق ۆەلوسيپەدتەردى شىعارۋ ماسەلەسى, سونىمەن قاتار «نارگيز حولدينگپەن» بىرگە شاڭعى جابدىقتارىن شىعارۋ جونىندە كەلىسىم جاسالۋدا.
اۆتور: جاسۇلان جولدىبايەۆ
