مەملەكەت باسشىسى ءبىرقاتار مينيسترلىكتەر مەن اگەنتتىك باسشىلارىن تاعايىندادى
اسەت ورەنتاي ۇلى يسەكەشيەۆ قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى بولىپ تاعايىندالدى، ول قازاقستان رەسپۋبليكاسى پرەمەر-ءمينيسترىنىڭ ورىنباسارى - قازاقستان رەسپۋبليكاسىنىڭ يندۋستريا جانە جاڭا تەحنولوگيالار ءمينيسترى قىزمەتىنەن بوساتىلدى.
باقىت تۇرلىحان ۇلى سۇلتانوۆ قازاقستان رەسپۋبليكاسىنىڭ قارجى ءمينيسترى بولىپ تاعايىندالدى، ول قازاقستان رەسپۋبليكاسى پرەمەر-ءمينيسترىنىڭ ورىنباسارى - قازاقستان رەسپۋبليكاسىنىڭ قارجى ءمينيسترى قىزمەتىنەن بوساتىلدى.
تامارا بوسىمبەك قىزى دۇيسەنوۆا قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى بولىپ تاعايىندالدى، ول قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترى قىزمەتىنەن بوساتىلدى.
ارىستانبەك مۇحامەدي ۇلى قازاقستان رەسپۋبليكاسىنىڭ مادەنيەت جانە سپورت ءمينيسترى بولىپ تاعايىندالدى، ول قازاقستان رەسپۋبليكاسىنىڭ مادەنيەت ءمينيسترى قىزمەتىنەن بوساتىلدى.
ەربولات اسقاربەك ۇلى دوسايەۆ قازاقستان رەسپۋبليكاسىنىڭ ۇلتتىق ەكونوميكا ءمينيسترى بولىپ تاعايىندالدى، ول قازاقستان رەسپۋبليكاسىنىڭ ەكونوميكا جانە بيۋدجەتتىك جوسپارلاۋ ءمينيسترى قىزمەتىنەن بوساتىلدى.
ۆلاديمير سەرگەيەۆيچ شكولنيك قازاقستان رەسپۋبليكاسىنىڭ ەنەرگەتيكا ءمينيسترى بولىپ تاعايىندالدى.
قايرات پەرنەش ۇلى قوجامجاروۆ قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى بولىپ تاعايىندالدى، ول قازاقستان رەسپۋبليكاسى پرەزيدەنتىنىڭ كومەكشىسى - قاۋىپسىزدىك كەڭەسىنىڭ حاتشىسى قىزمەتىنەن بوساتىلدى.
