قازاق-قىتاي شەكاراسىنان ارى ءوتىپ بارا جاتقان ءبىر، بەرى وتىپ كەلە جاتقان ءبىر ازامات ۇستالدى

استانا. قازاقپارات - قازاق-قىتاي شەكاراسىندا 5 كيلوعا جۋىقتايتىن نەفريت تاسىن زاڭسىز وتكىزبەك بولعان ازامات ۇستالدى، دەپ حابارلايدى ق ر ۇ ق ك شەكارا قىزمەتىنىڭ باسپا ءسوز قىزمەتى. «قورعاس» شەكارا وتريادى باقىلاۋشىلارى باقىلاۋ كەزىندە ق ح ر-عا ءوتىپ بارا جاتقان ق ر ازاماتىن ۇستادى.

ونىڭ جەكە زاتتارىن قاراۋ كەزىندە جاريالانباعان، سالماعى 4 كيلو 700 گرام بولاتىن جاسىل ءتۇستى زات تابىلدى، الدىن الا بولجام بويىنشا نەفريتكە ۇقسايدى. سونداي-اق، وسى وتريادتىڭ باقىلاۋشىلارى قازاقستانعا كەلە جاتقان ەلىمىزدىڭ ازاماتىن ۇستادى. ونىڭ قولجۇگىن قاراۋ كەزىندە جاريالانباعان 20 دانا پلانشەت تابىلدى.

قازىرگى ۋاقىتتا اتالعان دەرەك بويىنشا تەكسەرۋ جۇمىستارى جۇرگىزىلۋدە. ۇستالعاندار ق ر قىلمىستىق كودەكسىنىڭ 209-بابىنىڭ 1- تارماعى بويىنشا جاۋاپقا تارتىلۋى مۇمكىن.