قىتايدا تىڭشىلىقپەن اينالىسقان كانادالىقتار قولعا تۇستى

استانا. قازاقپارات - قىتاي بيلىگى اسكەري قۇپيالاردى ۇرلادى دەگەن كۇدىكپەن قولعا تۇسكەن كانادالىق ەرلى-زايىپتىلاردىڭ ۇستىنەن تەكسەرۋ جۇمىستارىن جۇرگىزىپ جاتىر.

قىتايدىڭ شينحۋا مەملەكەتتىك اقپاراتتىق اگەنتتىگى قاماۋعا الىنعان كۇدىكتىلەردىڭ اتى-جوندەرىن دە جاريالاپ وتىر. ولار - كيەۆين گارراتت پەن دجۋليا گارراتت.

اقپاراتتىق اگەنتتىكتىڭ حابارلاۋىنشا، كانادالىقتاردىڭ ىسىمەن ەلدىڭ ارنايى قىزمەت وكىلدەرى اينالىسىپ جاتقان كورىنەدى. كۇدىكتىلەر قىتايدىڭ سولتۇستىك-شىعىسىندا قاماۋدا وتىر.

ايتا كەتەيىك، كانادالىق ەرلى-زايىپتىلار قىتايدا 30 جىلدان بەرى ءومىر ءسۇرىپ كەلەدى. ولاردىڭ داندۋن قالاسىندا (سولتۇستىك كورەيامەن شەكارادا) ءوز ءدامحانالارى بار.

Baq.kz