قازاقستاندا ءبىلىم گرانتتارىن تاعايىنداۋ باستالدى

 استانا. قازاقپارات - استانادا ق ر ءبىلىم جانە عىلىم مينيسترلىگى ءبىلىم گرانتتارىن تاعايىنداۋ جونىندەگى رەسپۋبليكالىق كونكۋرستىق كوميسسيا ءوز جۇمىسىن باستادى.

كوميسسيا قۇرامىنا مەملەكەتتىك ورگانداردىڭ، ءبىلىم سالاسى كاسىپوداقتارىنىڭ وكىلدەرى, ق ر ۇلتتىق كاسىپكەرلەر پالاتاسى، قازاقستاننىڭ ازاماتتىق اليانسى جانە جوعارى وقۋ ورىندارىنىڭ رەكتورلارى ەنگىزىلگەن. كوميسسيا وتىرىسىندا قازاقستاننىڭ جوعارى وقۋ ورىندارىنا قابىلداۋ بويىنشا ۇلكەن دايىندىق جۇمىسىنىڭ قورىتىندىسى شىعارىلادى.

جالپى 2014-2015- وقۋ جىلىندا  34165 گرانت، ونىڭ ىشىندە  2530 ورىن ج و و دايارلىق بولىمدەرىنە،  31635 گرانت 1-كۋرسقا تۇسەتىندەر ءۇشىن.

كوللەدجدەردى بىتىرگەندەردى قولداۋ ماقساتىندا قىسقارتىلعان وقۋ تۇرىنە  2875 گرانت قاراستىرىلدى.

«ءبىلىم گرانتىن تاعايىنداۋ كونكۋرسىنا  69624 تالاپكەر قاتىسۋدا. قاتىسۋشىلار اراسىندا  1732 «التىن بەلگى» يەگەرلەرى, 322 نازاربايەۆ زياتكەرلىك مەكتەبىنىڭ تۇلەكتەرى, 179 جالپى ءبىلىم بەرەتىن پاندەر بويىنشا حالىقارالىق جانە رەسپۋبليكالىق وليمپيادالاردىڭ جەڭىمپازدارى، 921 جالپى بىلىم بەرەتىن پاندەر بويىنشا حالىقارالىق جانە رەسپۋبليكالىق عىلىمي جۇمىستاردىڭ جەڭىمپازدارى، 891 رەسپۋبليكالىق جانە حالىقارالىق سپورتتىق جارىستاردىڭ جەڭىمپازدارى قاتىسادى. ولار ءبىلىم گرانتىن تاعايىنداۋ بارىسىندا باسىم قۇقىقتارعا يە»،-دەيدى ق ر ءبىلىم جانە عىلىم ۆيتسە-ءمينيسترى تاحير بالىقبايەۆ.

بارلىق بەرىلگەن قۇجاتتار بەلگىلەنگەن تارتىپپەن قاراستىرىلاتىن بولادى. كونكۋرستىق ىرىكتەۋدىڭ پروتسەدۋراسى تولىقتاي اۆتوماتتاندىرىلعان. ونىڭ قورىتىندىسى ب ا ق بەتتەرىندە جاريالانادى.

 اۆتور: جاسۇلان جولدىبايەۆ