ەڭ جوعارى جالاقى تولەنەتىن گولليۆۋد جۇلدىزىنىڭ ەسىمى انىقتالدى
اتالمىش ءتىزىمدى قۇرۋشىلاردىڭ 4- تامىز كۇنى جاريا ەتكەن اقپاراتىنا سايكەس، وتكەن 12 اي ىشىندە 50 جاستاعى بۇل اكتريسانىڭ تابىسى $51 ميلليوندى قۇراعان. Forbes ساراپشىلارىنىڭ قورىتىندىسى بويىنشا، ونىڭ قارجىلىق تابىسقا جەتۋىنە «گراۆيتاتسيا» (Gravity, 2013) ءفيلمى زور ىقپالىن تيگىزگەن. ايتا كەتەيىك، كارتينانى امەريكاندىق پروديۋسەرلەردىڭ ءبىر توبى 2013- جىلعى ەڭ ۇزدىك تۋىندى دەپ تانىعان بولاتىن. قازىرگى تاڭدا ءفيلمنىڭ پروكاتتاعى تابىسى $716 ميلليونعا جەتكەن.
«بۋللوك بۇل فيلمدەگى ءرولى ءۇشىن «وسكار» سىيلىعىن الماسا دا، سالتاناتتى شارادا قوماقتى قارجىلاي ماراپاتتارعا يە بولدى»، - دەپ حابارلايدى Forbes. سونىڭ ناتيجەسىندە اكتريسا وتكەن جىلعى جەتىنشى ورنىنان ءبىرىنشى ورىنعا ءبىر-اق كوتەرىلگەن.
قالتاسىنىڭ قالىڭدىعى جاعىنان ەكىنشى ورىندى 23 جاستاعى اكتريسا دجەننيفەر لوۋرەنس (ونىڭ تابىسى $34 ميلليون)، ال ءۇشىنشى ورىندى 45 جاستاعى دجەننيفەر ەنيستون ($31 ميلليون) الادى. گۆينەت پەلتروۋ مەن اندجەلينا دجولي ءتورتىنشى جانە بەسىنشى ورىنداردى يەلەنىپ، سايكەسىنشە ولاردىڭ تابىسى $19 ميلليون جانە $18 ميلليوندى قۇرادى.
