قىتاي تىلشىلەرى قازاقستان تۋرالى دەرەكتى فيلمدەر مەن رەپورتاجدار تۇسىرمەك
كورشىلەس ەكى مەملەكەتتىڭ باسشىلارى نۇرسۇلتان نازاربايەۆ پەن شي جينپين ۇلى جىبەك جولىنىڭ بويىنداعى بايلانىستاردى قايتا جاڭعىرتۋ ءۇشىن، ەكونوميكالىق بەلدەۋ قۇرۋدىڭ اسا ءتيىمدى ەكەندىگىن وتكەن جىلدىڭ كۇزىندە استانادا ايتقان بولاتىن. سوندىقتان حالىقارالىق جوبا ۇلكەن ءىستىڭ باسى دەۋگە لايىق.
«بۇل - اسا اۋقىمدى جوبا. ەتنيكالىق جانە ەكونوميكالىق باعىتتاردى قامتيدى. ءتۋريزمدى دامىتۋعا دا پايداسى كوپ بولماق. كەلەسى ايالداما - الماتى قالاسى. وندا مەيماندار مەملەكەتتىك ورتالىق مۇراجاي مەن 28 پانفيلوۆشىلار ساياباعىن ارالايدى. ودان كەيىنگى ساپار كونە تاراز قالاسىندا جالعاسادى»، - دەدى الماتى وبلىستىق كاسىپكەرلەر پالاتاسىنىڭ ديرەكتورى ءلاززات شىڭعىسبايەۆا.
اۆتوكەرۋەن قىتايدىڭ شەنسي پروۆينتسياسىنان باستالدى. ەندىگى باعىت - قازاقستان، وزبەكستان، رەسەي، گرۋزيا، تۇركيا، گرەكيا مەملەكەتتەرى.
ەكسپەديتسيا مۇشەلەرى يتاليا استاناسى ريمگە ارنايى ايالداماق. جالپى 15 مىڭ شاقىرىم جول جۇرەدى. ءسويتىپ، كورگەن-بىلگەندەرىن دەرەكتى فيلمدەر مەن رەپورتاجدارعا ارقاۋ ەتەدى.
«ءبىزدىڭ حالقىمىز قازاقستان جايلى كوپ بىلە بەرمەيدى. مەن ءوزىم دە جاڭالىقتاردان كورگەنىم بولماسا، ءۇستىرتىن بىلەمىن. ەندى كورشىلەرىمىز جايىندا كوسىلتىپ ايتاتىن كەز كەلگەن سياقتى. ءبىز قازاقستاننىڭ تاريحى، مادەنيەتى، سالت-ءداستۇرى جايىندا باياندايمىز. قىتايلىق جۋرناليستەردىڭ ءبىزدىڭ ەلدەگى العاش تانىسقان نىسانى جاركەنت مەشىتى بولدى. بىردە ءبىر شەگە قاعىلماستان اعاشتان قيۋلاستىرىلىپ جاسالعان مەشىت ХІХ عاسىردا تۇرعىزىلعان. شارىن شاتقالىن دا قىزىعا تاماشالادىق»، - دەدى ەكسپەديتسيا جەتەكشىسى يان ۆەن مەن.
