جامبىلدىقتاردىڭ ءومىر ءسۇرۋ ۇزاقتىعى ارتتى

استانا. قازاقپارات - 2009- جىلمەن سالىستىرعاندا جامبىلدىقتاردىڭ ءومىر ءسۇرۋ ۇزاقتىعى ەكى جىلعا دەرلىك ۋاقىتقا ۇزارعان. بۇل تۋرالى وبلىستىڭ باس دارىگەرى سالتانات وماربەكوۆا ايتتى.

قازىرگى تاڭدا قازاقستاندىقتاردىڭ ءومىر ءسۇرۋ ۇزاقتىعى ورتا ەسەپپەن 69 جاس 9 ايدى قۇرايدى. 2015- جىلدىڭ سوڭىنا قاراي ول 70,4 جاسقا دەيىن جەتەدى دەپ كۇتىلۋدە، دەپ حابارلايدى جامبىل وبلىسىنىڭ اكىمدىگىنەن.

اتالعان ۋاقىت ارالىعىندا وڭىردە سابيلەردىڭ دۇنيەگە كەلۋى دە ارتقان. ەگەر 2009- جىلى 1000 ادامعا شاققاندا 26 نارەستەدەن كەلسە، 2013- جىلى ول 26,8 دى قۇراعان. انالار ءولىمىنىڭ كورسەتكىشى 2009- جىلى 40,88 بولسا، 2013- جىلى 14,8 گە دەيىن تومەندەگەن.

«بۇگىنگى تاڭدا وبلىستا 430 مەديتسينالىق مەكەمە بولسا، ولاردا 2406 دارىگەر حالىققا قىزمەت ەتەدى. جىلىنا ءبىر ناۋقاسقا 70082 تەڭگە كولەمىندە قاراجات جۇمسالادى. وتكەن جىلدارمەن سالىستىرعاندا تەگىن كەپىلدەندىرىلگەن مەديتسينالىق كومەك كولەمى دە 30 پايىزدان جوعارى كورسەتكىشكە ارتقان»، - دەيدى س. وماربەكوۆا.