قازاقستاندىق يتاليادا وتكەن ۆەلوجارىستا ەكىنشى ورىندى يەلەندى

استانا. قازاقپارات - «Astana Continental Team»  كومانداسىنىڭ قازاستاندىق ۆەلوشاباندوزى ارتۋر فەدوسەيەۆ يتالياداعى Trofeo Bastianelli جىل سايىنعى ءبىر كۇندىك ۆەلوجارىستا ەكىنشى بولىپ جەتتى، دەپ حابارلانعان كوماندا سايتىندا.

« Trofeo Bastianelliجولى «استانا» قۇرلىقتىق كومانداسى سپورتشىلارىنا ەكى جىل قاتارىنان تابىس اكەلۋدە. وسى جولى دا ولار وزدەرىن ۇزدىك كورسەتە ءبىلدى. ارتۋر فەدوسەيەۆ توپ جارىپ العا وزدى، سوڭىنان وعان شاعىن توبىمەن تىلەگەن مايدوس قوسىلدى. جارىستى قازاقستاندىق سپورتشىلار ءجىتى باقىلاپ وتىردى. فينالدا فەدوسەيەۆ ەكىنشى ورىندى يەلەندى»، - دەلىنگەن تاراتىلعان اقپاراتتا. ۆەلوشاباندوز تابىسقا جاتتىققان توپتىق ارەكەت ارقاسىندا جەتكەنىن ايتتى.

«مەن قاشىقتىق ورتاسىنا جاقىنداي الدىم. ال 10 شاقىرىمنان كەيىن مەنى تىلەگەن توبى قۋىپ جەتتى. ءبىز ءبىر-بىرىمىزگە كومەكتەسىپ، ءبىراز قارسىلاستىق، مارە سىزىعى جاقىنداعاندا، كوشباسشى توپتارمەن جۇلدەگە تالاستىق. ناتيجەسىندە ماعان ەكىنشى ورىن بۇيىردى»، - دەدى ارتۋر.