استاناعا ءۇرىمجى قالاسىنىڭ اكىمى ءىس-ساپارمەن كەلدى
«ءۇرىمجى - استانانىڭ ساۋدا-ەكونوميكالىق جاعىنان باستى سەرىكتەسى. بۇعان قازاقستاننىڭ گەوگرافيالىق ورنالاسۋى دا وڭ ىقپال ەتتى. بۇگىنگى كەزدەسۋ سول قارىم-قاتىناسقا جاڭا دەم بەرەدى دەپ ويلايمىن»، - دەيدى استانا قالاسى اكىمىنىڭ ورىنباسارى سەرگەي حوروشۋن.
استانا قالاسى اكىمىنىڭ ورىنباسارى ۇرىمجىدەن كەلگەن دەلەگاتسيا وكىلدەرىنە ونەركاسىپ، يننوۆاتسيا، قالانىڭ دامۋ بارىسى جونىندە باياندادى. مەيماندار ۇلكەن سىي-قۇرمەت كورسەتكەن استانالىقتارعا العىسىن ءبىلدىردى.
ءۇرىمجى قالاسىنىڭ مەرى ەكى ەل اراسىنداعى قارىم-قاتىناستى دامىتا ءتۇسۋ ءۇشىن استانالىقتاردى ق ح ر-عا ساپار شەگىپ، بيزنەس وكىلدەرىمەن جاقىنىراق تانىسىپ قايتۋعا شاقىردى.
«2008 - جىلى ءۇرىمجى مەن استانا دوستىق قارىم-قاتىناستاعى قالالار تۋرالى كەلىسىم شارتقا قول قويعان ەدى. ءۇرىمجى قازاقستانعا جاقىن، كورشى جاتقان قالا، شىنجاڭ-ۇيعىر اۆتونومياسىنداعى باستى اكىمشىلىك ايماق. استانا - قازاقستاننىڭ استاناسى. بۇل ەكى ايماق بىرلەسە جۇمىس اتقارسا، تابىستى ءارى ءونىمدى ەڭبەك ەتۋگە بولادى دەپ ويلايمىن»، - دەدى ءۇرىمجى قالاسىنىڭ مەرى يلحام سابىر.
