بايانولگەي قازاقتارى مۇرامىزدى بايىتتى

استانا. قازاقپارات - "قازاق حالقىنىڭ مادەني مۇراسى بۇگىنگە دەيىن بەيمالىم بولىپ كەلگەن حالىق اندەرى جانە كۇيلەرىمەن تولىقتى" دەپ حابارلادى 24.kz.

اتالعان قۇندى دۇنيەلەردى موڭعوليانىڭ بايانولگەي ايماعىنىڭ شالعاي اۋىلدارىنا ارنايى ەكسپەديتسيا جاساعان تەمىربەك جۇرگەنوۆ اتىنداعى قازاق ۇلتتىق ونەر اكادەمياسىنىڭ ۇستازدارى مەن ستۋدەنتتەرى الىپ قايتقان.

موڭعول قازاقتارىنىڭ تۇراعىنا وتكەن جىلدارى دا بارعان پروفەسسور قايىرعازى تولەن بۇعان دەيىن دومبىرا كۇيلەرىن نوتاعا ءتۇسىرىپ، جارىققا شىعارعان بولاتىن.

وسى جىلعى ساپارىندا عالىم سىبىزعىمەن ورىندالاتىن كۇيلەر مەن ءداستۇرلى اندەر توپتاماسىن جيىستىرىپ الىپ كەلگەن.

الداعى ۋاقىتتا وسى قۇندىلىقتاردى نوتاعا تۇسىرۋگە دەن قويعالى وتىرعان ەكسپەديتسيا ۇجىمى دەمەۋشى تابىلسا وسى دۇنيەلەردىڭ ءۇنتاسپاسىن شىعارۋدى دا قولعا الاتىندارىن جەتكىزدى.

E-islam.kz