امەريكانى مۇسىلماندار اشتى

استانا. قازاقپارات - مۇسىلماندار امەريكاعا ءتورت ءتۇرلى جولمەن جەتتى:

العاشقىدا - زەرتتەۋشىلەر رەتىندە، كەيىن - يسپان ينكۆيزيتسياسىنان ساقتانۋ ماقساتىندا، افريكانى وتارلاۋ كەزىندە، 14 - عاسىردىڭ 70 - جىلدارىنداعى يمميگراتسيا كەزىندە. وسىنىڭ بارلىعى تاريحي قۇجاتتارمەن دالەلدەنگەن.

انىق بەلگىلى بولعانداي، كولۋمبقا دەيىن 180  جىل بۇرىن امەريكانى مۇسىلمان زەرتتەۋشىلەرى اشقان بولاتىن.

1312 - جىلى امەريكانى زەرتتەۋ ءۇشىن افريكا مۇسىلماندارى مەكسيكا شىعاناعىنىڭ جاعالاۋىنا كەلىپ جەتتى. بۇل مۇسىلماندار مالي جانە تاعىدا باسقا باتىس افريكانىڭ ەلدەرىنەن بولدى. 1492 - جىلى جاڭا الەمگە جەتكەن حريستوفور كولۋمبقا 13 - عاسىردا ءومىر سۇرگەن اراب عالىمى ءال يدريسيدىڭ گەورگافيالىق اشىلۋلارى ۇلكەن اسەر ەتتى.

ءال يدريسي سيتسيليا پاتشاسى رودجەردىڭ كەڭەسشىسى بولعان. جاڭا قۇرلىقتى اشقان 8 مۇسىلمان زەرتتەۋشىسى جايلى ءال يدريسي جازعان ەڭبەكتىڭ كوشىرمەسى كولۋمبتا بولدى. كولۋمبتىڭ كومانداسىندا بىرنەشە مۇسىلماندار بار ەدى، ولار باسقا جۇمىستاردى جاساۋمەن قاتار اۋدارماشى قىزىمەتىن دە اتقاردى.

كولۋمبتىڭ ءبىرىنشى ساياحاتى كەزىندە ونىڭا جانىندا ەكى مۇسىلمان كاپيتانى بولدى. ونىڭ ءبىرىنشىسىنىڭ ەسىمى - مارتين الونسو پينزون، ەكىنشىسى، ونىڭ ءىنىسى - ۆيسەنت يانەكس پينزون. ولار باي ەدى، كولۋمب كەمەسىن جابدىقتاۋعا جانە «سانتا ماريا» كەمەسىنىڭ فلاگمانىن جوندەۋگە جاردەمدەستى. پينزون وتباسى مارينيدتەر اۋلەتىنەن شىققان ماروككو سۇلتانى ءابۋزاين مۇحاممەد ءىىى- مەن تىعىز بايلانىستا بولعان ەدى.

1492 - جىلدىڭ 21 - قازانىندا كولۋمب ءوز جازبالارىندا جازىپ قالدىرعانداي، ونىڭ كەمەسى گيبار قاسىنان وتكەندە، كۋبانىڭ سولتۇستىك شىعىسىنداعى تاۋدىڭ ۇستىندە ءزاۋلىم مەشىت كورگەنىن ايتتى. قۇران اياتتارى جازىلعان مۇنارالار مەن مەشىت قيراندىلارى كۋبادا، مەكسيكادا، تەحاس جانە نيەۆادا شتاتتارىندا تابىلدى.

«امەريكا تۋرالى داستان» كىتابىندا بارري فەلل جازعانداي، پيمانىڭ وڭتۇستىك-باتىسىنداعى ادامداردا اراب سوزدەرى كەزدەسەتىن سوزدىك بولدى. جانە دە دوكوتور فەلل مالىمدەگەندەي، كاليفورنيادا ءبىر جارتاستا اراب تىلىندە «يسا بين ءماريام» (ءماريام ۇلى يسا) دەگەن جازۋ بار. سونىمەن قاتار نيەۆادا، كولورادو جانە نيۋ مەكسيكو شتاتتارىندا دوكتور فەلل كوپتەگەن مەدرەسەلەردىڭ قيراندىلارىن تاپتى.

ايگىلى امەريكان عالىمى، ورتالىق ازيا بويىنشا مامان فرەدەريك ستارردىڭ ايتۋى بويىنشا، امەريكا قۇرلىعىنىڭ بار ەكەنىن تەوريالىق جاعىنان ءبىرىنشى بولىپ دەلەلدەگەن ورتاازيالىق عالىپ ءابۋ رايحان ءال بيرۋني. فرەدەريك ستارردىڭ وسى تاقىرىپقا ارنالعان ماقالاسى وتكەن جىلدىڭ سوڭىندا ەكى بەدەلدى باسىلىم - بريتاندىق History جانە فرانسۋزدىق Courrier International جۋرنالدارىندا جارىققا شىقتى.

«ەل»