ن. نازاربايەۆ يۋننانداعى ءزىلزالاعا بايلانىستى ق ح ر ءتوراعاسى شي جينپينگە كوڭىل ايتتى

 استانا. قازاقپارات - نۇرسۇلتان نازاربايەۆ قىتايدىڭ يۋننان پروۆينتسياسىنداعى ءزىلزالا سالدارىنان كوپ ادامنىڭ قازا بولۋىنا بايلانىستى ق ح ر ءتوراعاسى شي جينپينگە كوڭىل ايتۋ جەدەلحاتىن جولدادى، دەپ حابارلادى اقوردانىڭ باسپا ءسوز قىزمەتىنەن.

جەدەلحاتتا قايعىلى جاعداي تۋرالى سۋىق حاباردى قازاقستان حالقى زور كۇيزەلىسپەن قابىلداعانى اتاپ وتىلگەن.

مەملەكەت باسشىسى بارشا قازاقستاندىقتاردىڭ جانە جەكە ءوز اتىنان شي جينپينگە، سونداي- اق قازا بولعانداردىڭ تۋعان- تۋىستارى مەن جاقىندارىنا كوڭىل ايتىپ، ورنى تولماس اۋىر قايعىلارىنا ورتاقتاستىعىن ءبىلدىردى.

«قىتاي حالقىنا باسىنا تۇسكەن قاسىرەتتى كوتەرەتىن كۇش- قۋات تىلەيمىن. قابىلدانىپ جاتقان شارالار تابيعي اپاتتىڭ سالدارىن ەڭسەرۋگە مۇمكىندىك بەرەدى دەپ سەنەمىن» ، - دەلىنگەن جەدەلحاتتا.