جاڭا زاڭ مىڭداعان وتباسىنىڭ شىرقىن بۇزۋى مۇمكىن

استانا. قازاقپارات - بريتانيادا قابىلدانعان جاڭا زاڭ مىڭداعان وتباسىنىڭ شىرقىن بۇزۋى ابدەن مۇمكىن.

ەگەر جەرگىلىكتى ازامات شەتەلدىك جۇبايىن نە زايىبىن ەلگە اكەلۋ ءۇشىن ولاردىڭ وتباسىنىڭ تابىسى جىلىنا كەمىندە 20 مىڭ فۋنت ستەرلينگ بولۋى كەرەك.

تۇرمىسى كەدەيلىك شەگىنەن تومەندەپ كەتكەن مەمەكەتتەگى جاڭا تالاپ وسىنداي.

ايتا كەتەرلىگى، پاتشالىقتىڭ جوعارى سوتى ميگراتسيالىق قىزمەتتىڭ مۇنداي تالابىندا ەشقانداي كەرەعار ارەكەت جوق دەپ تاپتى.

ال بريتانيالىقتاردى بۇل جاڭالىق ەش قۋانتار ەمەس. كريس ۆۋدمان - ۇلتتىق دەنساۋلىق ساقتاۋ قىزمەتىنىڭ قاتارداعى قىزمەتكەرى. ونىڭ ءبىر جىلعى تابىسى -  15 مىڭ فۋنت. وكىنىشكە وراي بەلارۋستا تۇراتىن زايىبى مەن ەكى جاسار بالاسىن الىپ كەلۋ ءۇشىن بۇل تابىس جەتكىلىكسىز. جاڭا ميگراتسيالىق ەرەجە وتباسىن انگلياعا اكەلۋ ۇمىتىنەن ءبىرجولا ايىرعانداي بولدى.

كريس ۆۋدمان، حارتفوردشير گرافتىعى تۇرعىنى:

- ەرلى-زايىپتىلار ۆيزاسىن راسىمدەۋ ءۇشىن تابىسىم جەتپەيدى. ايەلىم مەن بالامدى اكەلۋ ءۇشىن مەن جىلىنا 23 مىڭ فۋنت قاراجات تابۋىم كەرەك. سوندىقتان وتباسىمدى اكەلۋگە قاۋقارسىزبىن. مۇنداي شەكتەۋدىڭ قويىلعاندىعىنا تاڭ قالار ەشتەمە جوق.

سەبەبى بۇكىل ساياسي پارتيالاردىڭ سايلاۋالدى باعدارلاماسىندا كوشى-قوندى شەكتەۋ ماسەلەسىنە باسىمدىق بەرىلگەن بولاتىن. بيلىك جالعان نەكەنىڭ كوبەيۋىنە الاڭداۋلى. سوڭعى جەتى اي ىشىندە اتالعان فاكتىگە بايلانىستى قاماۋعا الۋ سانى ءۇش ەسەگە ارتقان.

ريچارد كلارك، پوليتسيا ارداگەرى:

-  ۇلى بريتانيادا كوشى-قون باقىلاۋىن اينالىپ ءوتۋ ءۇشىن جالعان نەكەلەسۋدى كاسىپكە اينالدىرعان ادام قاتارى وتە كوپ. ال نەكەلەسۋ ينستيۋتىنىڭ كوشى-قون زاڭىنداعى اتقاراتىن ماڭىزى وتە زور. سوندىقتان بۇل جۇيەنى مازاققا اينالدىرعان دۇرىس ەمەس.

كريس ۆۋدمان، حارتفوردشير گرافتىعى تۇرعىنى:

- راسىندا، شەتەلدە وتباسى بار ادامداردىڭ امالى قالاي بولماق؟ قاراجاتىڭ بولماسا، وتباسىمەن بىرگە تۇرىپ، باقىتتى بولۋعا قۇقىعىن جوق دەگەن ءسوز بە؟ ولاي بولسا، ەڭبەك ەتىپ جاتقان بريتانيادىقتاردىڭ جارتىسىنىڭ تابىسى جاڭا زاڭ تالاپتارىن ورىنداي المايدى.

24.kz