ۇلتتىق مۇرامىز جاڭا ءان-كۇيلەرمەن تولىقتى
موڭعوليانىڭ بايانولگەي ايماعىنىڭ شالعاي اۋىلدارىنا ارنايى ەكسپەديتسيا جاساعان تەمىربەك جۇرگەنوۆ اتىنداعى قازاق ۇلتتىق ونەر اكادەمياسىنىڭ ۇستازدارى مەن ستۋدەنتتەرى جاڭا اندەر مەن كۇيلەردى الىپ قايتتى.
بايانولگەي ايماعىنا بىرنەشە جىل قاتارىنان ەكسپەديتسيانى باستاپ بارعان پروفەسسور قايىرعازى تولەننىڭ ايتۋىنشا، قازاقتىڭ قايماعى بۇزىلماعان ورتادا جارىققا شىقپاعان تۋىندى كوپ.
عالىم بۇعان دەيىن تىڭ كۇيلەردى جيناپ، نوتاعا ءتۇسىرىپ، باسپادان شىعارعان ەدى. ال بيىل سىبىزعىمەن ورىندالاتىن كۇيلەر مەن ءداستۇرلى اندەرگە دەن قويعان. ەكسپەديتسيا مۇشەلەرى اسىرەسە، موڭعوليالىق قانداستارىمىزدىڭ سۋىرىپ سالما قابىلەتىنە قايران قالدى، دەپ جازادى 24.kz. سايتى.
عالىمدار 20 دان استام ءان جانە سىبىزعى كۇيىن جازىپ اكەلگەن. ەندى قۇندى دۇنيەلەردى نوتاعا ءتۇسىرىپ، باسپا بەتىنە شىعارماق. دەمەۋشى تابىلسا، شىعارمالاردى ءۇن تاسپاعا جازۋ جوسپارلانعان.
