07:19, 04 - تامىز 2014 | GMT +5
پان گي مۋن: ب ۇ ۇ مەكتەبىن اتقىلاۋ - قىلمىس
استانا. قازاقپارات - گازا سەكتورىنداعى ب ۇ ۇ مەكتەبىنە اتىلعان زىمىران وعىن ب ۇ ۇ باس حاتشىسى پان گي مۋن قىلمىس دەپ باعالادى. ونداعى جارىلىس سالدارىنان كەم دەگەندە 10 ادام قازا تاپتى، دەپ حابارلادى بي-بي-سي.
وقيعا كۋاگەرلەرى بولعان پالەستينالىقتاردىڭ ايتۋىنشا، ب ۇ ۇ مەكتەبى ورنالاسقان رافاح قالاسىنا زىمىران يزرايل تارابىنان اتىلدى. مەكتەپتى مىڭداعان بەيبىت ادامدار پانالاپ جاتقان بولاتىن.
ءبىراق، ب ۇ ۇ وكىلدەرى مەكتەپكە زىمىران وعىن جىبەرگەن تاراپ تۋرالى كەسىپ ايتۋعا ءالى ەرتە ەكەنىن ەسكەرتتى.
«مەن بۇل ارەكەتتى ناقتى مەكتەپكە اتىلعان وق دەپ جانە ونى يزرايل نەمەسە پالەستينا جاقتان اتىلدى دەپ ايتا المايمىن»، - دەدى ب ۇ ۇ-نىڭ پالەستيناداعى ارنايى وكىلدىگىنىڭ باسپا ءسوز حاتشىسى كريس گاننەسس.
