مالايزيالىق «بوينگ» ۇشاعىنىڭ قارا جاشىگىن تالداۋدا، ۇشاقتىڭ وزىندە ەشقانداي اقاۋ بولماعانىن انىقتادى
حالىقارالىق تەكسەرۋ بارىسىمەن تانىس دەرەككوزدىڭ حابارلاۋىنشا، ۇلى بريتانيانىڭ اۆياتسيالىق وقيعالاردى تەكسەرۋ باسقارماسى Boeing 777 ۇشقىشى مەن ەكيپاجدىڭ انىقتالماعان مۇشەسىنىڭ ديسپەتچەرمەن سوزدەرىن زەردەلەدى.
«كوماندا (اپاتتى تەكسەرۋ بويىنشا) ەستىگەن سوزدەردە وندا («بوينگ» بورتىندا) ادەتتەن تىس ەشتەڭە بولماعان. (تىركەۋ قۇرالىندا) ەستىلگەن سوڭعى داۋىس ۇشقىشتىكى ەمەس. ۇشقىشتار بايقاعان ادەتتەن تىس ەشتەڭە بولماعان»، - دەدى باسىلىم سۇحباتتاسۋشىسى.
دەرەككوز Boeing 777 اپاتىنىڭ سەبەپتەرى تۋرالى العاشقى ناقتى قورىتىندىلار كەلەسى اپتادا جاريالاناتىنىن قوستى.
امستەردامنان كۋالا-لۋمپۋرعا م ن17 رەيسىن ورىنداعان مالايزيا اۆياجەلىلەرىنىڭ Boeing 777 ۇشاعى 17 - شىلدەدە كەشكە اپاتقا ۇشىرادى. لاينەر دونەتسك وبلىسىنىڭ شاحتەر اۋدانىنداعى گرابوۆو سەلوسى ماڭىنا قۇلادى. بورتتاعى 298 ادامنىڭ ءبارى قازا تاپتى. اپات قۇرباندارىنىڭ كوپشىلىگى - نيدەرلاندى ازاماتتارى.
ب ۇ ۇ-نىڭ ادام قۇقىقتارى جونىندەگى جوعارعى كوميسسارى ناۆي پيللەي ۇشاقتى قۇرتۋ اسكەري قىلمىس دەپ ساناۋدى ۇسىندى.
ا ق ش «بوينگ» ۇشاعىنىڭ اپاتقا ۇشىراۋىنا ءوزىن-ءوزى جاريالاعان دونەتسك حالىقتىق رەسپۋبليكاسىنىڭ جاساقشىلارىن رەسمي ايىپتاپ وتىر. «ءبىز «مالايزيا اۆياجەلىلەرىنىڭ» ۇشاعى جەردەن زىمىرانمەن اتىپ تۇسىرىلگەنىن بىلەمىز. ءبىز ول سەپاراتيستەر باقىلاپ وتىرعان اۋماقتان ۇشىرىلعانىن بىلەمىز، سول ساتتە ۋكرايندىق اۋە شابۋىلىنان قورعانىس جۇيەسى جۇمىس جاساعان جوق»، - دەپ مالىمدەدى 26 - شىلدەدە اق ءۇيدىڭ رەسمي وكىلى دجوش ەرنەست.
ونىڭ ايتۋىنشا، بۇل قايعىلى وقيعاعا رەسەي جانە ەل پرەزيدەنتى ۆلاديمير پۋتين تىكەلەي قاتىستى. «ءبىز رەسەي تاراپىنان ۋكرايناعا اۋىر قارۋ-جاراقتار جەتكىزىلگەنىن كوردىك، ولاردى كەيىننەن رەسەي قالاي پايدالانۋدى ۇيرەتكەن سەپاراتيستەر پايدالاندى. بۇل قارۋ-جاراقتاردىڭ اراسىندا اۋە شابۋىلىنان قورعانۋ قۇرالدارى دا بولدى. الەۋمەتتىك جەلىلەردەگى حابارلارعا قاراعاندا، وندا SA-11 كەشەندەرى («بۋك» دەپ اتالاتىن) بولعان. ءبىز ەندى بۇل قايعىلى وقيعاعا ۆلاديمير پۋتين مەن ورىستار كىنالى دەگەن قورىتىندى جاسايمىز»، - دەدى ەرنەست.
رەسەي تارابى ۇشاقتىڭ اپاتقا ۇشىرۋ سەبەپتەرىن ايتۋعا ەرتەرەك دەپ اتاپ ءوتتى جانە حالىقارالىق تەكسەرۋ قورىتىندىسىن كۇتۋدى ۇسىندى. قورعانىس مينيسترلىگى 21 - شىلدەدە رەسەيلىك ناقتى باقىلاۋ قۇرالدارىنىڭ بايقاۋلارى مالىمەتتەرىن جاريالادى.
ولار 17 - شىلدەدە Malaysia Airlines اۆياكومپانياسىنىڭ Boeing 777 جولاۋشىلار ۇشاعىنىڭ ماڭىندا ۋكراين ااك شابۋىلشى ۇشاعى بولعانىن تىركەگەن. الدىن الا مالىمەت بويىنشا سۋ-25 ۇشاعى مالايزيالىق لاينەر جاققا ۇشىپ بارا جاتقان، دەپ حابارلادى بريفينگىدە رف قارۋلى كۇشتەرى باس شتابىنىڭ باس جەدەل باسقارۋ باسقارماسىنىڭ باستىعى، گەنەرال-لەيتەنانت اندرەي كارتاپولوۆ.
«ۋكراينا ااك ۇشاعى بيىكتەپ بارا جاتقانى تىركەلدى، ونىڭ مالايزيالىق Boeing ۇشاعىنان اراقاشىقتىعى 3-5 شاقىرىمداي»، دەپ قوستى كارتاپولوۆ. ول ۋكراين اسكەري ۇشاعى نەگە ازاماتتىق كەمەلەر تراسساسىمەن ۇشادى، دەدى.
قورعانىس ۆەدومستۆوسىنىڭ وكىلى ۋكراين ارمياسىندا ۇشاق قۇلاعان اۋدان ءا ش ق قۇرالدارىمەن جاراقتانعانى تۋرالى رەسەيدە عارىشتىق سۋرەتتەر بار ەكەنىن ايتتى.
ۇشاقتىڭ اپاتقا ۇشىراۋىنىڭ سەبەپتەرى تۋرالى رەسمي نۇسقا ازىرشە جاريالانعان جوق، الايدا 27 - شىلدەدە امەريكاندىق CBS تەلەارناسى تەكسەرۋ شارالارىنا جاقىن دەرەككوزگە سىلتەمە جاساپ، لاينەردىڭ زىمىراننىڭ كوپتەگەن جارقىنشاقتارىمەن بۇلىنگەنىن حابارلادى.
