يتالياندىق توپ-مەنەدجەر اتىراۋ تۇرمەسىنەن شىعادى
1 - تامىزدا اتىراۋ وبلىسىنىڭ قىلمىستىق ىستەر بويىنشا مامانداندىرىلعان اۋدانارالىق سوتى شارتتى تۇردە مەرزىمىنەن بوساتۋ تۋرالى ونىڭ ءوتىنىشىن قاناعاتتاندىردى، دەپ حابارلادى «اق جايىق» گازەتى.
باسىلىم بۇل وقيعانىڭ كەيبىر ءمان-جايىن ەسكە سالادى. «ادجيپ ككو» كومپانياسىنىڭ قارجى ماسەلەلەرى بويىنشا توپ-مەنەدجەرىن ۇ ق ك د قىزمەتكەرلەرى 2010 - جىلعى ساۋىردە «رەنكو» مەيمانحاناسىنداعى ءوز نومىرىندە ۇستاعان بولاتىن: حاتتاما بويىنشا ودان 112,73 گرام گاشيش جانە 57,53 گرام كانابيس شايىرى (قاراسورا) تابىلعان. وعان قىلمىستىق كودەكستىڭ «اسا ءىرى مولشەردە ەسىرتكى ساتىپ الۋ، ساقتاۋ جانە وتكىزۋ، ساتۋ»، «اسا ءىرى مولشەردەگى ەسىرتكى كونترابانداسى»، «ەسىرتكى زاتتارىن پايدالانۋ» باپتارى بويىنشا ايىپ تاعىلدى. تەرگەۋدىڭ ەسىرتكى تاراتۋ تۋرالى نۇسقاسىن قۋاتتاۋ ءۇشىن سيدانيدىڭ كومپانياداعى ارىپتەستەرىمەن بىرگە كانابيستى سيگارەت شەگىپ وتىرعان ءساتى بەينەتاسپاعا ءتۇسىرىلىپ، ءىس ماتەريالدارىنا تىركەلگەن.
سوت ءبىرىنشى باپتاعىدان باسقا ايىپتاۋلاردى الىپ تاستاپ، ونى ەسىرتكى وتكىزۋگە ايىپتى دەپ تانىدى. قورىتىندىسىندا ءومىر بويى تۇرمەدە وتىرۋ جازاسى 6 جىلعا دەيىن جەڭىلدەنىپ، قاتاڭ رەجيمدەگى كولونيادا جازاسىن وتەۋگە شەشىم شىعارىلدى.
فلاۆيو ءوزىنىڭ دەنساۋلىق جاعدايىنىڭ ناشار ەكەندىگىنە (قورىتىندىدا ونىڭ گيپەرتونيامەن اۋىراتىنى، بۋىندارى مەن ومىرتقاسىندا پروبلەمالار بار ەكەنى، قۇلاق تۇبىندەگى ىسىك) قاراماستان ول كەز كەلگەن اقپاراتتىق رەسۋرستاردى پايدالانىپ، ەداۋىر دۇربەلەڭ تۋعىزدى. ول جونىندە يتالياداعى ءىرى باسىلىم La Repubblica جازدى.
ايتقانداي، وسى جىلداردا ءسيدانيدىڭ ۋاقىتشا وقشاۋلاۋ اباقتىسىنا وتىرۋىنا ونىڭ ءوز ەلىندەگى تانىمالدىعى سەبەپ بولعانىن ايتادى: سوتتالۋشىنىڭ ءوزىنىڭ ايتۋىنشا، بەرلۋسكونيدىڭ ءوزى جانە قازاقستانداعى يتاليا ەلشىلىگى ونى قاتاڭ رەجيمدەگى كولونياعا جىبەرمەي، اتىراۋدا ۋگ 157/1 مەكەمەسىندە قالدىرۋعا جاردەمدەسكەن.
قانشا ۇمىتتەنگەنمەن فلاۆيو راقىمشىلىقپەن تۇرمەدەن قۇتىلا المادى، مەرزىمىنىڭ ۇشتەن ەكىسى وتكەننەن كەيىن شارتتى تۇردە بوساتۋعا ءوز ءوتىنىش جازعان. ول اباقتى باسشىلىعىنا ءۇش رەت ءوتىنىش بەرگەن. زاڭنامالىق پراكتيكا بويىنشا، مۇنداي وتىنىشكە تۇزەتۋ مەكەمەسىنىڭ ءوزى باستاماشىلىق جاساۋى ءتيىس.
- جازا مەرزىمىنىڭ ۇشتەن ەكى بولىگى بيىلعى ءساۋىر ايىندا اياقتالدى، ءبىز مامىر، ماۋسىم ايلارىندا ءوتىنىش بەردىك. بۇگىن پروكۋراتۋرانىڭ جانە اباقتى قىزمەتكەرلەرىنىڭ قاتىسۋىمەن وتكەن سوتتا مەنىڭ قورعاۋىمداعى ادامنىڭ تۇزەلۋ جولىنا تۇسكەنىن، وسى جىلداردا بىردە-ءبىر ەسكەرتۋ الماعانىن، قايتا ماقتاۋعا يە بولعانىن دالەلدەدىك، - دەيدى سيداننىڭ ادۆوكاتى نۇرلان جولبولوۆ.
سوت ءوزىنىڭ شەشىمىمەن ءسيدانيدى ۇكىم بويىنشا قالعان ءبىر جىل سەگىز اي تۇرمەدە وتىرۋدان مەرزىمىنەن بۇرىن بوساتتى. سوت شەشىمى شىققاننان كەيىن 15 كۇننەن سوڭ سيدانيدىڭ قازاقستان شەگىنەن كەتۋىنە قۇقىعى بار.
ونىڭ قايدا باراتىنى ازىرگە بەلگىسىز. سوت وتىرىسىنان كەيىن ءبىز فويەدە فلاۆيومەن بىرەر اۋىز ءتىل قاتىستىق. ول ءوزىنىڭ كوڭىل-كۇيىن ءبىر اۋىز سوزبەن جەتكىزدى: «Now - better!» جانە ورىس تىلىندە «راحمەت!» دەپ قوستى.
blogtime.kz
