ءشولدىڭ ورتاسىندا جۇمباق كول پايدا بولدى - كەسكىن

استانا. قازاقپارات - عالىمدار تابيعات عاجايىبىنىڭ سىرىن ازىرگە اشا قويماعان.

جەرگىلىكتى تۇرعىندارعا گافسا قالاسىنان 25 ك م قاشىقتىقتا جاتقان كول ۇناپ قالىپ، ودان دەمالىس ورنىن جاساپ الىپتى.

ءۇش اپتادان بەرى تۋنيس تۇرعىندارى تابيعاتتىڭ سىيىنان ءلاززات الىپ جاتىر، دەپ جازادى The Independent. وسىنشا كولەمدەگى سۋدىڭ جەر بەتىنە قالاي شىققانى عالىمداردىڭ باسىن قاتىرىپ قويعانعا ۇقسايدى.

بولجامداردىڭ ءبىرى بويىنشا، بۇل سەيسميكالىق بەلسەندىلىكتىڭ اسەرى بولۋى مۇمكىن. جەر استىنداعى سۋدىڭ دەڭگەيى كۇرت كوتەرىلىپ، ونىڭ ءبىر بولىگى جەر بەتىنە شىعۋى مۇمكىن دەيدى ولار. جەرگىلىكتى بيلىك تۇرعىندارعا سۋ قاۋىپتى بولۋى مۇمكىندىگىن ەسكەرتىپ، شومىلۋعا تىيىم سالدى.

الايدا ونى ەلەپ جاتقان ەشكىم جوق، جۇزدەگەن ادام كولدىڭ جاعاسىنداعى دەمالىسىن جالعاستىرىپ جاتىر. الدىن الا باعالاۋ بويىنشا كولدىڭ كولەمى 1 ميلليون تەكشە مەترگە جۋىقتايدى. تەرەڭدىگى 10 نان 18 مەترگە دەيىن.

24.kz