رەسەي پرەزيدەنتى ۆلاديمير پۋتين ءدىن قايراتكەرلەرىن ماراپاتتادى

استانا. قازاقپارات - رەسەي ەلىنىڭ باسشىسى ۆلاديمير پۋتين كرەملدە وتكەن سالتاناتتى شارا بارىسىندا ءارتۇرلى سالا قايراتكەرلەرىنە مەملەكەتتىك ناگرادالار تابىس ەتتى.

اتالمىش ماراپاتتاۋدان ورىس ەلىنىڭ ءدىني قايراتكەرلەرى دە قالىس قالمادى.

اتاپ ايتساق، «يحلاس» قايىرىمدىلىق قورىنىڭ ءتوراعاسى، ياناو مۇسىلمانداردىڭ ءدىني ايماقتىق باسقارماسىنىڭ باسشىسى انۋر زاگيدۋللين «دوستىق» وردەنىمەن ماراپاتتالسا، «دەتسكي حوسپيس» اتتى پەتەربۋرگتىك مەملەكەتتىك ۇيىمنىڭ ديرەكتورى الەكساندار تكاچەنكوعا «قايىرىمدىلىعى ءۇشىن» توسبەلگىسى بۇيىردى.

سونداي-اق، رەسەي ەلىنىڭ باس راۆۆينى بەرلۋ لازارۋگە «وتان الدىنداعى قىزمەتى ءۇشىن» IV دارەجەلى وردەنى تاپسىرىلدى.

كرەملدىڭ ەكاتەرينا اتىنداعى زالىندا مەملەكەت باسشىسى 50 دەن استام مەملەكەت جانە قوعام قايراتكەرلەرىنە ناگردالار تابىستادى. مەملەكەتتىك ماراپات رەسەي پارلامەنتىنىڭ قوس پالاتاسىنىڭ دەپۋتاتتارى، ۇشقىشتار، ءىرى بيزنەس وكىلدەرى، ۋكراينا جەرىندەگى وقيعالاردى باسپا ءسوز بەتىنە جاريالاۋدا بەلسەندىلىك تانىتقان جۋرناليستتەر، ونەر جانە مادەنيەت قايراتكەرلەرىنە بەرىلدى.

muftyat.kz