وباما وپپوزيتسيادان قورىقپايدى
ا ق ش كونگرەسىنىڭ وكىلدەر پالاتاسى قىزمەتىن اسىرا پايدالانعانى ءۇشىن پرەزيدەنت وبامانى سوتقا بەرمەك. دەنساۋلىق سالاسىنا قاتىستى زاڭدىق قۇجاتتارعا قول قويعانى جانە ەكولوگيالىق تالاپتاردى كۇشەيتكەنى، ىشكى كوشى-قون ساياساتى مەن كەيبىر شەنەۋنىكتەردى ءوزى تاعايىنداعانى ءۇشىن وباما سوت الدىندا جاۋاپ بەرۋى كەرەك دەپ سانايدى رەسپۋبليكاشىل پارتيا وكىلدەرى.
رەسپۋبليكاشىل پارتيا وكىلدەرى بۇرىنعى شىعارىلعان جارلىقتىڭ اياسىندا پرەزيدەنت ءوز ساياساتىن ەشكىممەن اقىلداسپاي جۇرگىزىپ وتىر دەپ سانايدى. كونگرەستىڭ وكىلدەر پالاتاسىنىڭ سپيكەرى دجون باينەر باستاماسىنا رەسپۋبليكالىق پارتيانىڭ 225 مۇشەسى قولداپ داۋىس بەردى، 196 دەموكراتتار مەن 5 رەسپۋبليكاشىلدار قارسى بولدى. ەندى دەموكراتتار مەن رەسپۋبليكاشىلداردىڭ قايسىسى جەڭەدى، ول جاقىن كۇندەردە بەلگىلى بولىپ قالماق. ويتكەنى كەلەسى داۋىس بەرۋ سەناتتا جالعاسىن تاباتىن بولادى. ال سەناتتا وبامانى جاقتاۋشى دەموكراتتاردىڭ كوپ ەكەنى بەلگىلى. ءبىراق بي-بي-بي اقپارات اگەنتتىگىنىڭ مالىمەتىنە قاراعاندا، جەڭىلىپ قالعان جاعدايدىڭ وزىندە رەسپۋبليكاشىلدار وبامانى سوتقا بەرمەك نيەتتە. ءبىراق وپپوزتسيادان قورقىپ وتىرعان وباما جوق.
- حالىق ءۇشىن ءبىر ۇلكەن تىرلىك تىندىرماق بولعاندا، ماعان وپپوزيتسيانىڭ قارسى بولاتىنى تۇسىنىكسىز، - دەپ پىكىرىن ايتتى.
ايقىن گازەتى
