ۇيىقتاپ جاتقان مۇگەدەك ايەلدى زورلاماق بولدى

استانا. قازاقپارات - ماڭعىستاۋ وبلىسىندا ۇيىقتاپ جاتقان مۇگەدەك ايەلدى زورلاماق بولعان ەر ازامات قاماۋعا الىندى.

بەلگىلى بولعانداي، جاڭاوزەن ءى ءى ب-سىنا 57 جاستاعى جەرگىلىكتى تۇرعىننان ارىز تۇسكەن. ارىز بەرۋشى مۇگەدەك قىزىن بەلگىسىز بىرەۋدىڭ زورلاماق بولعانىن ايتقان. ارىز بەرۋشى ايەلدىڭ سوزىنە قاراعاندا بەلگىسىز بىرەۋ ونىڭ 32 جاستاعى مۇگەدەك قىزىن اۋلاداعى تاپشاندا ۇيىقتاپ جاتقان جەرىندە زورلاماق بولعان. جابىرلەنۋشى ايعاي سالعان سوڭ كۇدىكتى وقيعا ورىنىنان قاشىپ كەتكەن.

جاڭاوزەن ءى ءى ب- مالىمەتىنشە، اتالمىش وقيعاعا بايلانىستى كۇدىكتى ەش جەردە جۇمىس ىستەمەيتىن، 33 جاستاعى جەرگىلىكتى تۇرعىن قاماۋعا الىنعان. بەلگىلى بولعانداي، ول ەر ازامات بۇعان دەيىن دە زورلاۋ جانە بۇزىقتىق ءۇشىن سوتتى بولعان. قازىرگى ۋاقىتتا وعان قاتىستى قىلمىستىق ءىس قوزعالدى.

پوليتسيانىڭ مالىمەتىنە قاراعاندا، 2014- جىلدىڭ شىلدە ايىندا ۆەدومستۆوعا زورلاۋ فاكتى بويىنشا وننان اسا ارىز تۇسكەن. ولاردىڭ ايتۋىنشا، مۇنداي وقيعا كوبىنە تەڭىز جاعالاۋىندا ورىن العان. «شىن مانىندە مۇنداي وقيعا ودان دا كوپ بولۋى مۇمكىن، ويتكەنى كەي جاعدايلاردى جابىرلەنۋشىلەر جاريا بولۋدان قورقىپ ارىزدانبايدى» دەيدى پوليتسياداعىلار.

Tengrinews.kz