ۆولەيبولشى ءسابينا التىنبەكوۆا اتاقسىز ادەمى سپورتشى قىزداردىڭ بەستىگىنە ەندى

 استانا. قازاقپارات - رەسەيدىڭ «ارگۋمەنتى ي فاكتى» باسىلىمى اتاقتارى جوق ادەمى سپورتشى قىزداردىڭ بەستىگىن جاريالادى. بۇل تىزىمدە قازاقستاندىق ۆولەيبولشى قىز ءسابينا التىنبەكوۆا دا بار.

«ۆولەيبولدان قازاقستاننىڭ ايەلدەر قۇراماسى 19 جاسقا دەيىنگى الەم چەمپيوناتىندا ءساتسىز ويىن ويناپ، نەبارى 17 - ورىنعا جايعاستى. الايدا، سوعان قاراماستان، كوماندانىڭ قوسالقى ويىنشىلارىنىڭ ءبىرى، 17 جاستاعى ءسابينا التىنبەكوۆا جالپى تۋرنيردىڭ باستى جۇلدىزىنا اينالىپ، ازياداعى بارلىق دەرلىك سپورت ب ا ق- نىڭ نازارىنا ىلىكتى.

 ول كەرەمەت ويىن كورسەتتى دەپ تە ايتا المايسىڭ. تەك اراسىندا الاڭدا كورىنگەنى بولماسا. ونىڭ باستى جەتىستىگى - ونىڭ سۇلۋلىعى. بۇل ەكزوتيكالىق ازيالىق كەسكىندەگى ۇزىن، سىمباتتى، كوزدەرى ەرەكشە ۇلكەن سپورتشى قىز كوميكستاردان شىعىپ، ۆولەيبول ويناۋعا كىرىسكەن ادام سياقتى. جاتتىقتىرۋشىنىڭ ايتۋىنشا، ونىڭ كومانداسىنداعى سپورتشى قىزعا دەگەن نازار اۋدارۋشىلىق كوماندانىڭ ويىنىنا كەدەرگى دە كەلتىرگەن.

 ءسابينا كۇندەردىڭ ءبىر كۇنىندە ونىڭ فوتوبلوگىنداعى جازىلۋشىلار سانى بىرنەشە ون مىڭداعان ادامعا جەتىپ، ونىڭ تالانتىنا ەمەس، سۇلۋلىعىنا ءتانتى ادامداردىڭ سانىنان بىرنەشە جۇزدەگەن حات الامىن دەپ ويلاماسا دا كەرەك. مىنە، توسىن سىي! الايدا الەمدە وسىعان ۇقساس قانشاما مىسال بار» ، - دەپ جازادى «ايف» .