11:03, 02 - تامىز 2014 | GMT +5
جاپونيا پرەمەر-ءمينيسترىنىڭ سالتاناتتى شەرۋى سان- پاۋلۋدا اپاتقا ۇشىرادى
استانا. قازاقپارات - جاپونيا پرمەر-ءمينيسترى سيندزو ءابەنىڭ سالتاناتتى شەرۋىندەگى بىرنەشە ماشينا برازيليانىڭ سان-پاۋلۋ قالاسىندا وتكەن ءتۇنى اپاتقا ۇشىرادى. از دەگەندە، دەلەگاتسيانىڭ 12 مۇشەسى جەڭىل جاراقاتتار الدى. جاپونيا ۇكىمەتى باسشىسىنىڭ ءوزى ابىروي بولعاندا، ءدىن امان. بۇل تۋرالى جاپونيانىڭ سءى م حابارلادى، دەپ حابارلايدى يتار-تاسس.
سىرتقى ساياسات ۆەدومستۆوسىنىڭ مالىمەتتەرى بويىنشا، اتالعان وقيعا جىلدامدىقتى اۆتوجولدا پرەمەر-ءمينيستردىڭ قوناق ۇيگە رەسمي شارالاردان قايتىپ كەلە جاتقان كەزىندە بولعان. جالپى العاندا ءۇش اۆتوكولىك سوعىلعان. ولاردىڭ ىشىندە جاپونيانىڭ س ءى م قىزمەتكەرلەرى كەلە جاتقان. بارلىق زارداپ شەككەندەر جاقىن ماڭداعى اۋرۋحاناعا جەتكىزىلىپ، پرەمەر-مينيستر قوناق ۇيگە ويداعىداي ورالدى.
جاپونيانىڭ ۇكىمەت باسشىسى قازىر لاتىن امەريكاسى ەلدەرى بويىنشا تۋرنەسىن اياقتادى. ونىڭ بارىسىندا ول مەكسيكا، ترينيداد پەن توباگو، كولۋمبيا، چيلي مەن برازيليادا بولدى. كەشە ول برازيليانىڭ پرەزيدەنتى ديلما روۋسسەففپەن كەلىسسوزدەر جۇرگىزدى.
